போர்முலா!!

"போர்முலாவை கண்டுபிடிச்சிட்டிங்களா" என்றான் சக்கரை. அவனுக்கு அப்படி ஒரு ஆர்வம்.

"இல்லை.. இன்னும் கொஞ்சம் சரிப்படுத்தணும்.. இண்டைக்கு எப்படியும் சரிவரும் எண்டு நினைக்கிறன்" என்றார் மூலவர். மூலவர் ஒரு டைப்பான விஞ்ஞானி.

வீட்டுக்கு மூத்தவர் என்பதால் மூலவர் என்ற பட்டப்பெயர் நிலைத்து விட்டது. சக்கரை அவருடைய மருமகன்.

"இது எப்படி சாத்தியம். மூணு வருசமா சோழர் காலத்துக்கு போறதுக்கு மெஷின் கண்டுபிடிக்கிறன் பேர்வழி என்று இந்த ரூமிலேயே அடைஞ்சு கிடக்கிறீங்க"

"கொஞ்சம் விஞ்ஞானம்.. கொஞ்சம் சூனியம்.. கொஞ்சம் நம்பிக்கை போதும். இரவுக்கு வா உன்னை சோழ தேசத்துக்கு கொண்டு போறேன்"

"சோழ தேசத்துக்கு போனா திரும்பி வரக்கூடாது. வந்தா A/L எக்ஸாம் எழுதவேணும். ஏதாவது குருகுலத்தில் சேர்ந்து வில்வித்தை கத்துக்கணும். இரவுக்கு வாரேன்"

இரவு பதினோரு மணிக்கு சக்கரை ஆர்வமாக ஆஜர். தனக்கு பிடித்த சேர்ட் அணிந்திருந்தான். அந்த சேர்ட்டுடன் சோழ தேசம் போகணும் என்பது அவன் அவா.

கால இயந்திரம் அறுகோண வடிவில் ஒரு ஆள் போகக்கூடிய அளவுக்கு பெரிசாக இருந்தது. மூலவரின் கால இயந்திரம் மந்திரங்கள் எழுதிய தகடுகளால் அலங்கரிக்கப்பட்டிருந்தது.

"இந்த முறை வேறு விதமான போர்முலா. அதற்கு உன் ஒத்துழைப்பு மிக அவசியம். சரி.. மனசுக்குள் சோழகாலத்தை பற்றி நினைத்துக்கொள். உனக்கு பிடித்த ராஜராஜ சோழன் காலம். குதிரைகள்.. அம்புகள்.. வில்லுகள்.. உன் மனதுக்கு நீதான் ராஜா. நீ மனப்பூர்வமாக நம்பினால் அடுத்த நிமிஷம் சோழர் காலம்" என்று பிரசங்கம் செய்பவர்களின் குரல் போல மூலவரின் குரல் அதிகாரமாக ஒலித்தது.

சக்கரை மறு கேள்வி கேட்காமல், கால இயந்திரத்தை நோக்கி மந்திரிக்கப்பட்டவன் போல நடந்தான்.

டொட்.. டொட்..

இந்த கதை சும்மா ஒரு உருவக கதைதான். அதை கொஞ்சம் அந்த இடத்தில் விட்டுவிட்டு சொல்ல வந்த விசயத்துக்கு வருகிறேன். "யாழ் ஐடி ஹப்" நடாத்தும் போட்டி நிகழ்வு "யாழ் கீக் சாலேஞ்" வரும் நவம்பர் மாதம் நடக்கவிருக்கிறது. இம்முறை நடக்கவிருப்பது மூன்றாம் வருடம். முதலிரு முறைகளில் நடைபெற்ற போட்டிகள் மிக சிறப்பான விளைவுகளை ஏற்படுத்தியிருந்தன. "யாழ் கீக் சாலேஞ்" என்பது ஐடி தொழினுட்பவியாளர்களும், மாணவர்களும் சங்கமிக்கும் ஒரு போட்டி நிகழ்வாக அமைந்திருந்தது. இதன்மூலம் மாணவர்களுக்கு மென்பொருள் தொடர்பான செயன்முறை எவ்வாறு இருக்கும் அதற்காக அவர்கள் செய்யவேண்டிய ஆயத்தங்கள் பற்றிய அறிவினை பெற்றுக்கொள்ளகூடியதாக இருந்தது. இதில் கிடைத்த அனுபவத்தை பயன்படுத்தி மாணவர்கள் வேறு சில IT போட்டிகளில் பங்குபற்றி வெற்றி பெற்றிருந்ததை காணக்கூடியதாக இருந்தது. வெவ்வேறான பாதைகளில் பயணிக்கும் மாணவர்கள் "யாழ் கீக் சாலேஞ்" என்ற ஒரு நிகழ்வின் மூலமாக சந்தித்துக்கொண்டனர். அறிவை, அனுபவத்தை பகிர்ந்தனர். இதன்மூலமாக சிலருக்கு IT துறையில் நல்ல வாய்ப்புகளை ஏற்படுத்திக்கொள்ள முடிந்தது.

சென்ற முறைகளில் "யாழ் கீக் சாலேஞ்" போட்டிகள் Software Engineering lifecycleஇலை அடிப்படையாக கொண்டு வடிவமைக்கப்பட்டிருந்தன. ஒவ்வொரு Software Engineering lifecycle பற்றிய அறிவுகளை அளவிடும் வகையில் அமைக்கப்பட்டிருந்தன. Requirements, Design, User Experience, Business Strategy போன்று Industryயில் கடைப்பிடிக்கும் அதே வரிசையில் போட்டியாளர்கள் ஒவ்வொரு roundஆக மூழ்கி எழுந்தனர். தாங்கள் மனதில் தோன்றிய ஐடியாக்களுக்கு Design diagram உருவாக்கினார்கள். Whiteboardஇல் designஐ வரைந்து காட்டி விவாதித்தார்கள். எதிர்காலத்தில் வரக்கூடிய Technical பிரச்சனைகளை ஆராய்ந்தார்கள். நடுவர்கள் கேட்ட கேள்விகளுக்கு சில டெக்னாலஜிகளை ஒப்பிட்டு பதிலளித்தார்கள். User experienceஐ அதிகரிக்கும் வழிகளை ஆராய்ந்து செயல்வடிவமாக present செய்தார்கள். எவ்வாறு தங்களது படைப்பின் மூலமாக பணம் சம்பாதிக்கலாம் என்பதை புதிது புதிதாக ஐடியாக்கள் சொன்னார்கள். சில அணிகள் நடுவர்களின் எதிர்பார்ப்புகளுக்கும் மேலாக சிறப்பாக செயற்பட்டன. டெக்னாலஜி trendஇற்கு ஏற்றவாறு டெக்னாலஜிகளை தெரிவுசெய்தார்கள். தெரிவுகளை நியாயப்படுத்தினார்கள்.

இவ்வகையான போட்டி வடிவமைப்பில் Software development இருக்கவில்லை. இதனால் மாணவர்களின் சில நல்ல ஐடியாக்கள் உயிர் கொடுக்கப்படாமலே அவர்களது மனதிலே உறங்கின. இதனால் அடுத்து வரும் "யாழ் கீக் சாலேஞ்" போட்டி அமைப்பு மேம்படுத்த படவேண்டிய அவசியம் உணரப்பட்டது.

சென்ற வருடம் "யாழ் ஐடி ஹப்" நடாத்திய Hackathon போட்டிகளின்போது பலர் ஆர்வமாக கலந்துகொண்டு தங்களது ஐடியாக்களை develop செய்து உயிர் கொடுத்தார்கள். Prototypeகளை சிறப்பாக வடிவமைத்து காட்டி அசத்தினார்கள். இது "யாழ் கீக் சாலேஞ்" போட்டி அமைப்பு மேம்படுத்தும் திட்டத்துக்கு பெரிதும் உதவியது. இதன் காரணமாக போட்டிகள் prototype ஒன்றை உருவாக்குவதை போன்றதாக போட்டி அமைப்பினை முன்மொழிந்தார்கள். பழைய போர்முலா அப்படியே மாற்றம் பெற்றது. பழைய போர்முலாவின்போது இல்லாத prototypeஐ இம்முறை போட்டியாளர்கள் உருவாக்கப்போகிறார்கள். நானும் ஒரு Developer என்பதால் இம்முறையின் போட்டி அமைப்பு எனக்கு பிடித்திருக்கிறது. மூன்று நாள் தொடர்ச்சியாக Hackathan நடக்கவிருக்கிறது. போட்டியாளர்கள் Software Development செய்யப்போகிறார்கள். போனமுறை Strategy Roundஇன்போது போட்டியாளர்கள் உருவாக்கப்படாத பொருளை சந்தைப்படுத்தும் வழிவகைகளை ஆராய்ந்தார்கள். ஆனால் இம்முறை தாங்கள் develop செய்த Softwareஐ காட்டி விவாதிக்கப்போகிறார்கள். இம்முறை ஆதாரம் இன்னும் உறுதியாக இருந்து போட்டியாளர்களின் கருத்துக்கு வலுச்சேர்க்கும் என்பதில் ஐயமில்லை.

***

போட்டியாளர்கள் தங்களது அணியை தெரிவு செய்யும்போது திறமைகளின் சரியான விகிதாசாரத்தில் தெரிவுசெய்தால் சிறப்பாக செயற்பட முடியும். சரியான ஐடியாவை உருவாக்கி அதற்கு சாப்ட்வேர் வடிவம் கொடுக்கவல்ல நபர்களை அணியில் சேருங்கள். கடைசி போட்டிகளின்போது அதனை ஸ்திரமாக present செய்ய பொருத்தமான நபரை கண்டுபிடியுங்கள். இப்போதே அணியாக செயற்ப்பட்டு ஆயத்தங்களை செய்யுங்கள். செப்டெம்பர் 30க்கு முதல் பதிவு செய்து கொள்ளுங்கள்.

இம்முறை போட்டிகளின் கடைசி நாளன்று முதலீடு செய்யும் ஆர்வமுள்ளவர்களும் கலந்து கொள்ளவிருக்கின்றனர். அவர்கள் ஒரு அணியின் productஇல் ஆர்வமாக இருந்தால், முதலீடு செய்யும் வாய்ப்பு அதிகமாக காணப்படுகிறது. உங்கள் கனவு ஐடியா ஒரே நாளில் நனவாகும் வாய்ப்பு கடைசி போட்டி தினத்தில் ஏற்படும் வாய்ப்பு இருக்கிறது. ஒரே நாளில் உங்கள் சொந்த கம்பெனி உருவாகலாம். கடைசி நாளன்று கிடைக்கும் ஒரு சில நிமிடங்கள் உங்கள் வாழ்க்கையை ஒரேயடியாக மாற்றினாலும் ஆச்சர்யமில்லை.

Yarl Geek Challenge மறுபடியும் வருகிறது... ...

"போன வருஷம் yarl geek challenge சிறப்பாக நடந்து முடிந்து விட்டது. அடுத்தமுறை புதிதாக என்ன செய்வதாக உத்தேசம்" என்று எனக்கு தோன்றிய கேள்வியை கேட்டேன். இந்த கேள்வியை நான் கேட்ட இடம் Yarl IT Hub உறுப்பினர்கள் போட்டிகளை ஏற்பாடு செய்வதற்காக சந்தித்து கொள்ளும் கூட்டம். அன்று அந்த சந்திப்பு நடந்த மேசையில் ஆறு பேர்கள் இருந்தோம். மேசையின் நடுவில் நாங்கள் ஆர்டர் செய்த "காய்ந்து போன" சாண்ட்விச், ஆறிப்போன capuchino coffee, தேசிக்காய் தண்ணி (விலை 120 ரூபா) போன்றவை எங்களுக்காக காத்திருந்தன. எங்கள் சந்திப்புகளில் வழமையாக இவ்வாறான உணவுகளை ஆர்டர் செய்துவிட்டு இரண்டு மணித்தியாலம் கதைப்போம். ஆர்டர் செய்தால் அது வருவதற்காக ஒரு மணித்தியாலம் காத்திருக்க வேண்டியிருக்கும். ஒரு Coffeeயை ஒரு மணித்தியாலமாக மெதுவாக கொஞ்சம் கொஞ்சமாக குடிப்போம். நிறைய கதைப்போம். நாங்கள் வழமையாக போகும் அந்த உணவகத்தில் ஈயடிக்க ஆள் இருக்காது. ஆகவே நாங்கள் மூன்று மணித்தியாலமாக ஒரு coffeeயை வைத்து உறிஞ்சினாலும், "எழுந்து போங்கடா!" என்று சொல்ல மாட்டார்கள்.

அன்றைய கூட்டத்தில், அடுத்த yarl geek challenge நிகழ்வுக்கான ஆயத்தங்களை பற்றி தீவிரமாக திட்டமிட்டனர். அன்று பேச்சு குறைவாக இருந்தது. அதிக சிந்தனைதான் எல்லோர் முகத்திலும் ஆக்கிரமித்திருந்தது. இம்முறை என்ன புதிதாக செய்யப்போகிறோமோ என்று சீரியஸாக விவாதித்தோம்.

"இப்போது IT பற்றிய அறிவு பாடசாலை மாணவர்களுக்கு அதிகமாகவே இருக்கிறது. இம்முறை அவர்களையும் இணைத்தால் நிச்சயம் அற்புத விளைவுகள் ஏற்படும். அவர்களுக்கு தொழில்சார் IT பற்றிய நல்ல அறிமுகமாக இருக்கும். பாடசாலை படிப்புகளின் பின்னர் சரியான துறையை தேர்ந்தெடுக்க இது நிச்சயம் உதவும்" என்றார் சயந்தன்.

எல்லோருக்கும் அந்த ஐடியா பிடித்திருந்தது. முதல்கட்டமாக மூன்று பாடசாலைகளை இணைப்பதாக அந்த அக்கூட்டத்தில் முடிவு செய்யப்பட்டது. பாடசாலை மாணவர்கள் கிட்டத்தட்ட ஒரு மாத கால அவகாசத்தில் ஒரு Applicationஐ செய்து பிரதான Yarl Geek Challenge போட்டிகளின் கடைசி நாளன்று present செய்யவேண்டுமென்றார்கள். அதன்பின்னர் என்ன மாதிரியான கருப்பொருளில் Applicationகள் செய்யலாம் என்பது பற்றிய விவாதம் தொடங்கியது. வழமைபோல Web Application பற்றி யாரோ பரிந்துரைத்தார்கள். Web Application என்பது IT Competitionகளில் வரும் "உப்புமா சமாச்சாரம்" என்று எதிர்வாதம் வந்ததால் அது வந்த வேகத்திலேயே அடங்கிப்போனது. அது மட்டுமல்லாது மாணவர்களுக்கு இன்னும் கூடுதலான challengingஆன ஒன்றுதான் yarl geek challengeஇற்கு பொருத்தம் என்றார்கள். இதனால் சமீபத்திய trendஆன mobile applicationஇற்கே பலரின் வாக்குகள் இருந்தன.

பாடசாலை மாணவர்களே! தயாராக இருங்கள். உங்களுக்கு புதிய அனுபவம் காத்திருக்கிறது. புதிதாக சில technologyகள் அறிந்துகொள்ளப்போகிறீர்கள். உங்களை போன்றே ITஇல் ஆர்வமான வேறு சில பாடசாலை நண்பர்களை சந்திக்கவிருக்கிறீர்கள். Computer முன்னே 24 மணித்தியாலம் வேலை செய்யும் பொறுமை படைத்த விசித்திர ஜீவன்களை நேரில் காணவிருக்கிறீர்கள். இந்த போட்டிக்கு வழமையான Reality showக்களின் பாரம்பரியபடி yarl geek challenge "junior" என்று பெயரிடப்பட்டது. இதற்காக propectus தயாரிக்கும் பணி முழுவீச்சில் தொடங்கியது. அதன் தமிழ் வடிவத்தினை சமீபத்தில்தான் முடித்திருந்தார்கள். அதில் பாவிக்கப்பட்ட தொழினுட்பவியல் சம்பந்தமான வார்த்தைகள் எனது கவனத்தை கவர்ந்தன. Presentationஐ அளிக்கை என்று தமிழ்படுத்தியிருந்தார்கள்.

போனமுறை இடம்பெற்ற yarl geek challenge போட்டிகளிலிருந்து Algorithm round அவ்வளவாக பொருத்தமாக இருக்கவில்லை என்று பெரும்பான்மையினர் கருதியதால், அதனை மாற்றுவது பற்றி ஒரு email threadஇல் விவாதித்தோம். இருபக்கமும் சாதக பாதகங்களை பற்றி emailகள் சரமாரியாக வந்திருந்தன. விவாதத்தில் முடிவில் இந்த roundக்கு பதிலீடாக User Experience Roundஐ சேர்ப்பதாக முடிவு செய்யப்பட்டது. இந்த roundஇல் பயனாளர்களுக்கு தாங்கள் செய்யப்போகும் application மூலமாக ஏற்படக்கூடிய அனுபவங்களை போட்டியாளர்கள் present செய்யவேண்டும் என்று முடிவு செய்தோம். மற்றைய roundகளிலும் இருந்த பிரச்சனைகள் பற்றி விவாதித்து சின்ன சின்ன மாற்றங்கள் செய்தோம்.

போன வருடம் இடம்பெற்ற yarl geek challenge போட்டியின் பின்னதாக சில எதிர்பார்த்த நல்ல விளைவுகளை ஏற்படுத்தியிருந்தது. சில மாணவர்கள் தங்களுக்கான வாய்ப்புகளை ஏற்படுத்திக்கொள்ளவும் IT industryஇல் உள்ள அனுபவஸ்தர்களுடன் உரையாடி அறிவினை பகிர்ந்துகொள்ளவும் வழிசமைத்திருந்தது. சமீபத்தில் இடம்பெற்ற Hackathon நிகழ்வின்போது மாணவர்கள் ஆர்வமாக பங்கேற்று கலக்கியிருந்தது இதற்கு ஒரு நல்ல உதாரணம். இம்முறை போட்டிகளின் பின்னர் இதைவிட பலமடங்கு நன்மைகள் உருவாகும் என்று உறுதியாக நம்புகிறேன். இம்முறை ஒரு மாதத்திற்கு முன்னதாகவே அறிவிப்பு செய்து விட்டோம். ஆயத்தம் செய்வதற்கு நிறைய நேரம் இருக்கிறது. புதிதாக கலந்து கொள்ளவிருக்கும் மாணவர்கள், சென்றமுறை பங்கேற்ற போட்டியாளர்களை பேட்டி காண்பதன் மூலம் சிறப்பாக ஆயத்தங்களை செய்து கொள்ளமுடியும்.

Yarl Geek Challenge: Final போட்டிகள்

இப்போட்டிகள் சம்பந்தமான முந்தைய இடுகைகள்

Yarl Geek Challenge: 1ம் நாள் போட்டிகள்

Yarl Geek Challenge: 2ம் நாள் போட்டிகள்

Yarl Geek Challenge: 3ம் நாள் போட்டிகள்

போட்டியாளர்கள், நடுவர்கள் மற்றும் ஏற்பாட்டாளர்கள்

கருமையான மேகங்கள் சூழ்ந்திருந்ததால் ஐந்தரை மணிக்கே நன்றாக இருட்டி விட்டிருந்தது. சுவாரசியமான மூன்றாம் நாள் ஒருவாறாக முடிவுக்கு வந்திருந்தது. எனினும் மூன்றாம் நாள் முடிவுகள் கொஞ்சம் அதிர்ச்சியளிப்பதாக இருந்தது. இரண்டு அணிகள் மட்டுமே வெளியேற்றப்படும் என்று எதிர்பார்த்திருந்த பார்வையாளர்களுக்கு மூன்று அணிகள் வெளியேற்றப்பட்டமை கொஞ்சம் எதிர்பாராத முடிவாக இருந்தது. ஆனாலும் மறுநாள் finalஉடன் oppourtunity round நடைபெற இருப்பதால் அதற்கான ஆயத்தங்களை செய்ய வேண்டியிருந்ததால் அன்றைய முடிவுகளை பற்றி வெளியேறிய அணிகள் நிதானமாக யோசித்து கவலைப்பட சந்தர்ப்பம் கிடைக்காமல் போனது நன்மைக்கே. Algorithm round மற்றைய Roundகளில் இருந்தும் பெரிதும் மாறுப்பட்டிருந்தது. போட்டிகளிலே ஒரு புதுவித வேகம் இருந்தது.. போட்டியாளர்களிடம் கேட்கப்பட்ட கேள்விகளில் காரம் அதிகமாகவே இருந்தது.. போட்டியாளர்களும் சளைக்காமல் பதிலளித்தனர்.. எப்போதுமே ஒருவித பதற்றம் போட்டி இடம்பெற்ற மேடையிலிருந்தது. நாங்களும் அன்றைய நாள் ஒருவித நிம்மதியுடன் வீடுகளுக்கு போனோம். அன்று காலைதான் Yarl Geek Challenge t-shirtகள் தனுஷனின் முயற்சிகளுக்கு பின்னர் கிடைத்திருந்தன. ஆகவே சந்தோசமாக நாளை புது t-shirtஉடன் போகலாம் என்ற சந்தோசம் எல்லாருடைய முகத்திலும் இருந்தது. நல்லவேளையாக புது t-shirt கிடைத்திருந்தது. ஏனென்றால் யாழ்பாணத்தில் அந்நேரத்தில் பெய்த தொடர்மழையால் நாங்கள் தோய்த்த உடுப்புகள் வெயிலில் காய்வதும், மறுபடி நனைவதுமாக இருந்தன. ஆகவே அடுத்த நாளைக்கு போட தோய்த்த உடுப்புகள் இல்லாமல் கஷ்டப்பட்ட எங்களுக்கு நிவாரணமாக t-shirt வந்து சேர்ந்தது.

Yarl Geek challenge T-Shirt அணிந்திருக்கும் model ஒருவர் :)

கடைசி நாளன்று பதினோரு மணிக்கு Oppourtunity round தொடங்குவதாக இருந்தது. ஒன்றரை மணிக்கு Product Strategy round. இந்த roundகளில் எல்லா அணியினரும் தங்களது projectஇன் எதிர்காலத்திட்டம் பற்றியும் அதற்காக ஏற்படும் செலவுகளை சமாளித்து அடுத்த கட்டத்துக்கு எவ்வாறு கொண்டுசெல்லவிருக்கிறார்கள் என்பதை தெளிவுபடுத்த வேண்டும். சுருக்கமாக சொன்னால் செய்த productஐ எப்படி கூவி கூவி விற்கப்போகிறார்கள் என்பதை எல்லோரும் நம்பும்விதமாக சொல்லவேண்டும். போட்டியாளர்கள் எவ்வாறு விளம்பரங்களை நுழைப்பதன்மூலம் பணத்தினை பெற்றுக்கொள்ளலாம் என்று யோசித்துக்கொண்டிருந்தார்கள். Projectஇன் தொடக்கத்தில் முதலாவது clientஐ பிடிப்பதற்கு முன்னதான காலங்களில் எவ்வாறு செலவுகளை சமாளிக்கபோகிறார்கள் என்ற கேள்விதான் மில்லியன் டொலர் கேள்வியாக இருந்தது. முழுக்க முழுக்க technical விசயங்களை மட்டுமே யோசித்து மண்டையை உடைத்துக்கொண்டிருந்த மாணவர்கள் business side பற்றி முதன்முறையாக கவலைப்படத்தொடங்கினார்கள். எல்லோரும் பெரியளவில் tension இல்லாமல் இருக்கிற business ideaக்களையும் presentationக்குள் பொறுத்த முயற்சித்தார்கள்.

நடுவர்கள் குழாம்

ரமேஸ் அண்ணா நடுவர்களுக்கு இந்த roundகளில் போட்டியாளர்களிடமிருந்து எதிர்பார்க்கப்படும் விசயங்களை பற்றி விளக்கினார். பதினோரு மணிக்கு opportunity round ஆரம்பமானது. இதில் முன்னைய நாட்களில் போட்டிகளிருந்து வெளியேறிய ஐந்து அணிகள் கலந்து கொண்டன. IFish அணியினர் மீன்பிடி சாமாசத்துடன் இணைந்து இதனை develop செய்யவிருப்பதாக கூறினார்கள். productஇன் business modelஐ canvas modelஇல் போட்டுக்காட்டி அசத்தினார்கள். ஆனாலும் இந்த projectஇன் அடுத்த கட்டம் என்ன என்பதை சரியாக விளக்கவில்லை. Smart Friends அணியினர் Ceylon Electricity boardஇற்கு prototype ஒன்றை develop பண்ணிக்காட்டி funding எடுக்கப்போகிறோம் என்றார்கள். ஆனாலும் இவர்களின் திட்டங்களில் உள்ள சாத்தியத்தன்மை பற்றி judgesஇற்கு இருந்த சந்தேகங்களை களைய தவறினர். Crazy Coders அணியினர் தங்களது projectஐ தொடங்குவதற்காக ஏற்படும் செலவுகளை பட்டியலிட்டு அதன் சாத்தியத்தினை தெளிவுபடுத்தினர். இவர்களது patient management systemஇனை தொடக்கத்தில் ஒரு வைத்தியசாலையுடன் இணைப்பதாகவும் பின்னர் ஒவ்வொரு வைத்தியசாலையாக இத்திட்டத்தில் இணைக்கவிருப்பதாக கூறினார்கள். Yarl Eagles அணியினர் Tourist Guide applicationஇல் ஹோட்டல், resthouse போன்றவற்றின் விளம்பரங்களை இணைக்கமுடியும் என்றார்கள். அதிகம் பணம் தரும் companyகளின் பெயர்கள் பாவனையாளர்களுக்கு காட்டப்படும் search resultsஇல் முன்னணி வகிக்கும் என்றார்கள். ஆனாலும், பணத்தை வாங்கிக்கொண்டு பாவனையாளர்களுக்கு தவறான தகவல்கள் போகலாம் என்ற கேள்விகளை judges கேட்டு மடக்கினர். Phoenix அணியினர் ஒரு research projectஐ ஒரு commercial product ஆக எவ்வாறு மாற்றலாம் என்று தெளிவுபடுத்தினர்.

மதிய உணவு இடைவேளைக்கு பிறகு Final roundஆன  Product strategy round தொடங்குவதாக இருந்தது. இதில் Zeros, Arimaa, Cybers போன்ற அணிகள் போட்டிக்கான  கடைசி நேர ஆயத்தங்களில் ஈடுபட்டிருந்தன. Oppourtunity roundஇல் மற்ற அணிகளுக்கு கேட்கப்பட்ட கேள்விகளுக்கு ஏற்றவாறு தங்களது presentationகளை மேம்படுத்தும் முயற்சியில் ஈடுபட்டனர். எல்லோருக்கும் இந்த கடைசி முயற்சியில் எப்படியாவது ஜெயிக்கவேண்டும் என்ற எண்ணம் கண்களில் தெரிந்தது. Cybers அணியினர் அவர்களது system மூலமாக response ஆக அனுப்பப்படும் SMSஇல் விளம்பரங்களை இணைப்பதன்மூலம் காசு பார்க்கலாம் என்றார்கள். அரசாங்க அதிகாரிகளுக்கு இவர்களுடைய system தொடர்பான presentationஐ செய்து அவர்களை இந்த projectக்கு தேவையான நிதியை தயார் செய்யவிருப்பதாக கூறினார்கள். Arimaa அணியினர் தங்களது project சமூக நலனுக்காக செய்யப்பட்டாலும் project sustainabilityக்காக beneficiariesகளிடமிருந்து ஒரு சிறுதொகையை அறவிடலாம் என்றார்கள். எதிர்காலத்தில் அவர்களது systemஇனை சமூக நிறுவனங்களுக்கு ஏற்றவாறு customize செய்து விற்கலாம் என்றார்கள். கேள்வி-பதில் நேரம் வழமைபோலவே அணல் பறந்தது. அவர்களது பதில்கள் தெளிவாகவும் judges எதிர்பார்த்ததை போலவே இருந்ததாகவும் பட்டது. Zeros அணியினர் ஆடுபுலி ஆட்டத்தினை download செய்வதற்காக ஒரு சிறிய தொகையை பாவனையாளர்களிடம் அறவிடலாம் என்றார்கள். அதுமட்டுமல்லாது விளம்பரங்களை காட்டுவதன் மூலம் பணத்தினை பெற்றுகொள்ளவிருப்பதாக சொன்னார்கள். ஆனால் Offline modeஇல் எவ்வாறு விளம்பரங்களை mobile phoneக்கு அனுப்பிட முடியும் போன்ற கேள்விகளால் judges துளைத்தார்கள்.

போட்டியாளர்களின் presentationகள் முடிவடைந்தபின்னர் judges வழமைபோல மேடையைவிட்டு விலகி தனியிடத்தில் தங்களது அவதானிப்புகளை விவாதிக்கச்சென்றார்கள்.  போட்டிகளின் முடிவுகளை எதிர்பார்த்துக்கொண்டு போட்டியாளர்கள் ஒருவித பதற்றத்தில் அமைதியாக இருந்தனர். அவர்களின் இதயத்துடிப்புகளின் சத்தம் அவர்களின் மெல்லிய உரையாடல்களையும் தாண்டி ஒலித்தது. ஆண்டவனே! இப்படியே ஒரு மணித்தியாலத்தை எவ்வாறு கழிக்கப்போகிறோமோ என்று பயந்தேன். அதுக்கும் சயந்தன் சூப்பரான ஐடியா வைத்திருந்தார். அப்போதுதான் இப்போட்டி ஏற்பாட்டாளர்களை பேட்டியேடுத்து கலாய்க்கும் நிகழ்வை நடத்த சர்வேஸ் அண்ணா முன்னுக்கு வந்தார். அவர் முதலில் சயந்தனை அழைத்தார். பேட்டியின்போது சயந்தன் தனது வேலையை பற்றிக்கூறும்போது "ஏதாவது ஒரு புது project எடுக்கும் விசயமாக பெயர் கூட கேள்விப்படாத புதுநாட்டுக்கு பரிசோதனை எலி கணக்கா என்னை அனுப்பிடுவாங்க" என்று பெருமையாக கூறினார். சர்வேஸ் அண்ணா சயந்தனிடம் ஏதாவது கேள்விகள் கேட்கலாம் என்று கூறியிருந்தாலும் ஒருவரும் வாயை திறக்கவில்லை. அடுத்ததாக என்னை கூப்பிட்டார்கள். "நானும் சயந்தன் வேலை செய்யும் companyயில்தான் நாலு வருசமா குப்பை கொட்டுறேன்" என்று ஆரம்பித்தேன். "குப்பை கொட்டுறது என்றால் என்ன" என்றார் சர்வேஸ் அண்ணா. "நான் பொதுவாக உருப்படாத தெளிவில்லாத Codeதான் எழுதுவேன். அதாவது குப்பை code. அதை வினைசொல்லாக மாற்றினால் குப்பை codeறது என்று வரும்" என்றேன். அப்போது கூட்டத்தில் யாரோ "குப்பையை கிளறுறது என்றால் என்ன" என்றார்கள். "அதைத்தான் code review என்று மரியாதையாக சொல்லலாம்" என்று சொன்னபோது சிலர் சிரித்தார்கள். அதன்பின்னர் விஜயராதா தனது company பற்றியும் open source பற்றியும் ரொம்பவே சீரியசாக விளக்கமளித்தார். இப்படியே போய்கொண்டிருந்த நிகழ்வில் சர்வேஸ் அண்ணா "கடந்த இரண்டு மூன்று நாளாகவே Yarl IT Hubஇன் twitterஇல் அதிரி புதிரியாக tweetகள் வருவதை அவதானித்திருப்பீர்கள். அதனை செய்து கொண்டிருப்பவர்தான் துஷி" என்று துஷிக்கு அதிரடி அறிமுகம் வழங்கினார்.

அரிமா அணியினர் முடிவுக்காக காத்திருப்பு

ஒருவாறாக judges முக்கியமான முடிவுகளுடன் மேடையை நோக்கி நடைபோட்டனர். Final roundஇற்காக போட்டியிட்ட மூன்று அணிகளும் வைத்த கண் வாங்காமல் judgesஐ பார்த்துக்கொண்டிருந்தனர். போட்டியின் முடிவுகள் அறிவிக்கப்பட்டவேளையில் Cybers அணி இரண்டாம் இடத்தை பிடித்ததாக அறிவிக்கப்பட்டது. Arimaa அணியும், Zeros அணியும் பதற்றத்துடன் பார்த்துக்கொண்டிருக்க, Arimaa அணி வெற்றி பெற்றதாக அறிவிக்கப்பட்டது. அவர்கள் முதல்பரிசாக 50000ரூபாவை பெற்றுக்கொண்டனர். Cybers அணியினர் 25000ரூபாவை பெற்றனர். Oppourtunity roundஇல் Crazy Coders அணி வென்றதாக அறிவிக்கப்பட்டது. நான்கு நாட்கள் தொடர்ச்சியாக இடம்பெற்ற போட்டிகள் இனிதே நிறைவேறின. நாங்கள் கொழும்புக்கு திரும்புவதற்கு இன்னும் ஒன்றரை மணித்தியாலங்களே இருந்ததால் வேக வேகமாக போட்டி நடந்த Hallஐ பழையபடிக்கு மாற்றினோம். போட்டியாளர்களுடன் கதைத்து பிரியாவிடை பெற்றோம். பஸ்ஸில் ஏறி இருந்தபோது எல்லோருடைய முகத்திலும் மகிழ்ச்சி கலந்த புன்னகை இருந்ததை அவதானிக்கக்கூடியதாக இருந்தது. கீழே தரப்பட்ட படமே இதற்கு சான்று பகரும்.

மீண்டும் கொழும்பு நோக்கி போரடிக்கிற வேலைக்கு திரும்புகிறோம்

இந்த போட்டிகள் நடந்த நான்கு நாட்களும் வேறோரு உலகத்தில் சஞ்சரிப்பது போன்ற  உணர்வே இருந்தது. போட்டியாளர்கள் Software Engineering தொடர்பான பல்வேறு விடயங்கள் பற்றிய அறிவினை அனுபவத்தோடு பெற்றிருப்பார்கள் என்பதில் ஐயமில்லை. அதுமட்டுமல்லாது எங்களுக்கும் Software companyகளில் computer screenஐ வெறித்துப்பார்த்துகொண்டு வேலை செய்யும் அனுபவங்களிலிருந்து Yarl Geek Challenge புதிதான அனுபவ பாடத்தை கற்றுத்தந்தது. அடுத்து வரும் வருடங்களில் எவ்வாறு இந்த போட்டியின் அமைப்பை மேலும் மேம்படுத்தலாம் என்று இப்போதே திட்டமிட தொடங்கிவிட்டார்கள். அடுத்தமுறை இப்போட்டிகளை நடத்த மிகப்பெரிய இடத்தை தேர்வு செய்யவேண்டுமென்பது உறுதி.

முற்றும்..

Yarl Geek Challenge: 3ம் நாள் போட்டிகள்

இப்போட்டிகள் சம்பந்தமான முந்தைய இடுகைகள்

Yarl Geek Challenge: 1ம் நாள் போட்டிகள்

Yarl Geek Challenge: 2ம் நாள் போட்டிகள்

சயந்தனிடம் சுட்ட படம்

Yarl Geek Challengeஇன் இரண்டாம் நாள் முடிந்திருந்தது. இதுவரை நடைபெற்ற இரண்டு Roundகளும் நிறைய சந்தோசங்களையும் சிலருக்கும் ஏமாற்றத்தினை கொடுத்திருந்தாலும் இரண்டாம் நாள் முடிவில், போட்டியாளர்கள் எல்லாவற்றையும் மறந்துவிட்டு அடுத்த நாளுக்குரிய ஆயத்தங்களை செய்வதிலேயே குறியாக இருந்தனர். அடுத்த நாள் Algorithm Round என்ற செய்தி எல்லோருக்கும் ஒருவித மிரட்சியை கொடுத்தது. எல்லா அணியினரும் தங்களது Mentorகளை சுற்றி வளைத்து முற்றுகையிட்டு அடுத்த Roundக்கு தேர்வு செய்ய வேண்டிய Algorithm பற்றி ஆராய்ந்தனர். Algorithm Round என்பது Mentorகளுக்கும் மூளைக்கு வேலை கொடுத்தது. நாள் முழுக்க வேலை செய்த சோர்வுடன் வீட்டுக்கு போனோம். அடுத்த நாள் போட்டியின் போது யாராவது ஒரு Mentorஐ முன்னுக்கு பலியாடாக அனுப்பி ஏதாவது Algorithm எழுத வைக்கலாமா என்று ஜாலியாக விவாதித்தோம். அநேகர் அன்றைய நாள் முழுக்க கேள்விகளால் துளைத்துகொண்டிருந்த விஜயராதாவின் பெயரை முன்மொழிந்தார்கள். "ராதா! எதற்கும் நாளைக்கு Algorithm எழுத தயாரா வாங்க" என்று சொல்லிவைத்தேன். அதற்கு ராதா, "துஸிதான் பலியாடாக போக சரியான ஆள். பாருங்க! ஆடு மாதிரியே தாடியும் வச்சிருக்காரு" என்று கூறி மறுத்தார்.

அன்று இரவு நாங்கள் தங்கியிருந்த வீட்டில் நடந்த சம்பாஷணையில் அன்றைய தினத்தில் நடந்த சம்பவங்கள், எதிர்பார்த்து நடைபெற்ற விஷயங்கள், நடைபெறாத விஷயங்கள் பற்றி அலசப்பட்டது. அடுத்த நாள் எப்படி இருக்குமோ என்று யோசித்துக்கொண்டே நித்திரைக்கு போனேன். போட்டியாளர்கள் இதுவரை நான் அறிந்திராத languageஇல் Algorithm எழுதுவது போன்று பயங்கர கனவு வந்தது.

அடுத்த நாள் எட்டு மணிக்கு அரியாலையில் நாங்கள் தங்கியிருந்த வீட்டிலிருந்து புறப்பட்டு Mentorகளை பழைய parkஇலிருந்து ஏற்றிக்கொண்டு கொக்குவில் இந்து கல்லூரிக்கு பயணப்பட்டோம்.  போகும் வழியில் கதைத்தபோதுதான் விஜயராதா இரவு இரண்டு மணிவரை தூங்காது பலியாடு Segmentக்காக சிரத்தையுடன் ஆயத்தப்படுத்தியதாக தெரியவந்து எல்லோரும் சிரித்தோம். அன்று கொஞ்சம் கூடுதலாகவே தாமதம். ஒன்பது மணியளவில் போட்டி நடக்கும் இடத்துக்கு போய் சேர்ந்தோம். அதுவரை போட்டியாளர்கள் Mentorகளின் வருகைக்காக வழிமேல் விழிவைத்து காத்திருந்தனர். போட்டியாளர்கள் இந்த roundஇல் தங்களது projectஇல் உள்ள ஒரு முக்கியமான Business logicஇற்கு Algorithm எழுதி present செய்யவேண்டும். ஆகவே போட்டியாளர்கள் இரண்டு மணித்தியாலத்துக்குள் algorithm எழுதியாக வேண்டும் என்பதால் துரித கதியில் செயற்பட்டு தயாராகி கொண்டிருந்தனர்.

அன்றைய Round பற்றிய அறிமுகத்தை விஜயராதா judgesகளுக்கு விளக்கினார். ஒரு மணிக்கு அண்மையாக அணிகள் தங்களது presentationஐ ஆரம்பித்தன. ஏற்கனவே இரண்டு அணிகள் முந்தைய நாளில் வெளியேற்றப்பட்டிருந்ததால் ஆறு அணிகளுக்கு எட்டு நிமிடங்கள் வீதம் present செய்ய அனுமதிக்கப்பட்டிருந்தது. ஏழு நிமிடங்கள் கேள்வி பதிலுக்கு ஒதுக்கப்பட்டிருந்தது. போட்டியாளர்கள் presentation செய்வதை காட்டிலும் கேள்வி-பதிலுக்கு நிறையவே பயந்தார்கள். ஒவ்வொரு முறை கேள்வி-பதில் முடிந்த பின்னரும் சொர்க்கத்துக்கு போக டிக்கெட் கிடைத்தது போல ஆழ்ந்த நிம்மதியுடன் தங்களது இடத்துக்கு திரும்புவதை அவதானிக்கக்கூடியதாக இருந்தது.

Round-03: Algorithm Round

Team: phoenix

இந்த Roundஇல் போட்டியாளர்களின் Algorithmகள் correctness, performance, clearness போன்ற அளவுகோல்கள் மூலமாக சோதிக்கப்பட்டன. அனேக அணியினரின் algorithmகள் correctnessஇல் தேறினாலும் சரியாக present பண்ணுவதில் தடுமாறினார்கள். ஆனாலும் சில அணிகள் தெளிவாக present செய்து புள்ளிகளை அள்ளின. Arimaa அணியினர் காட்டிய algorithm மொத்தமே 10 வரிகளே இருந்தாலும், தெளிவான விளக்கம் மூலமாக கவர்ந்தார்கள். Algorithmஇன் performanceஇனை பற்றி குறிப்பிட big (o) notation பற்றி குறிப்பிட்ட ஒரே அணி இவர்களுடையதுதான். கேள்வி நேரத்தின்போது, இதிலும் judges ஏதாவது பிழை கண்டுபிடிக்க முயல, கடுமையான விவாதம் மூலம் defend செய்தார்கள். எனினும் இறுதியாக சில பிழைகளை ஒத்துக்கொண்டார்கள். சிலவற்றுக்கு சரியாக விளக்கமளித்தனர். இவர்களது கேள்வி-பதில் நேரம் முடிந்த பின்னர் மேடை, போர் ஓய்ந்த போர்க்களம் போல காட்சியளித்தது.

Smart friends அணியினர் mathematical calculation சம்பந்தமான தெளிவான Algorithmஇனை கையிலேடுத்திருந்தாலும் அவர்கள் present பண்ணிய sequence கொஞ்சம் குழப்பத்தினை கொடுத்தது. Presentation உருப்படியாக இருந்தாலும், கேள்வி நேரத்தில் வந்த சரமாரியான கேள்விக்கணைகளை இவர்கள் சரியாக defend பண்ணவில்லை போலிருந்தது. Crazy coders ஒரு எளிதான Algorithm மூலமாக தெளிவாக present செய்தனர். எனினும் இவர்கள் தெரிவு செய்த algorithm இந்த roundக்கு பொருத்தமானதா? என்ற கேள்வியை judges எழுப்பினர் . இதனால் கேள்வி நேரத்தின்போது முழுக்கேள்விகளும் அதனை சார்ந்தே இருந்தது இவர்களுக்கு பாதகமாக இருந்தது.

Team Arimaa with expert panel

Phoenix அணியினர் present செய்த algorithm அவ்வளவாக தெளிவாக இருக்கவில்லை போலப்பட்டது. இவர்களது algorithm சில implementation detailகளுடன் உடன் கலக்கப்பட்டிருந்தது சில விசயங்களில் தெளிவற்ற தன்மை இருந்தது. Zeros அணியினர் ஆடுபுலி ஆட்டத்தில் computer எவ்வாறு ஆட்டத்தின்போது அடுத்த moveஐ செய்யும் என்பதை விளக்கினார்கள். முழு presentationஆக பார்க்கும்போது ஒருவித தெளிவு இருந்தாலும், சில இடங்கள் இன்னும் தெளிவுபடுத்தப்பட்டிருக்கலாம் என்றே எனக்கு தோன்றியது. இவர்கள் ஒரு சிறிய பகுதியை எடுத்து இன்னும் தெளிவாக காட்டியிருந்தால் இன்னும் சிறப்பாக இருந்திருக்கலாம். ஆனால் என்னைகேட்டால் இவ்வாறான போட்டிகளுக்கு நிறைய algorithmஇனை காட்டி குழப்பினால் specificக்கான கேள்விகளிலிருந்து தப்பிவிடலாம் என்பேன் :).

Cybers ஒரு எளிமையான algorithmஇனை தெளிவாக present செய்தனர். ஆனாலும் எழுதப்பட்ட algorithmஇல் இருந்த சின்ன சின்ன விசயங்களை கவனித்திருந்ததால் இன்னும் நன்றாக இருந்திருக்கலாம் என்று தோன்றியது. ஆனாலும் கேள்வி நேரத்தின்போதும் தெளிவாக பதிலளித்ததால் தப்பித்துகொண்டார்கள்.

எல்லா அணிகளும் தங்களது presentationஇனை முடித்திருந்தன. judges மேடையிலிருந்து வெளியேறி தனியான இடத்தில் அணல் பறக்க விவாதித்தனர். சர்வேஸ் அண்ணா "விவாதம் கடுமையாக இருக்கிறதே. இன்று இரண்டு elimination இருக்கும் போல இருக்கே" என்றார். judgesஇன் விவாதம் முடிய நாற்பது நிமிடங்களுக்கு மேலானது. அதைமுடித்து judges

மந்திராலோசனை

திரும்பும்போது எல்லா போட்டியாளர்களும் இஷ்ட தெய்வத்தினை வேண்டிக்கொண்டனர். வந்ததும் வராததுமாக இன்று மூன்று அணிகளை வெளியேற்ற இருப்பதாக சொல்லி கிலியை ஏற்படுத்தினார்கள். முதலில் ஏதோ TVஇல் வரும் reality showக்களில் வருவது போல ஜோக்கடிக்கிறார்கள் என்று நினைத்தேன். ஆனால் சிரித்துக்கொண்டே உண்மைதான் பேசினார்கள் என்று பின்னர்தான் தெரிந்தது.

அன்றைய போட்டிகளில் Phoenix, Crazy coders, Smart friends ஆகிய அணியினர் வெளியேற்றப்பட்டதாக அறிவித்தனர். Cybers, Arimaa, Zeros ஆகிய அணிகள் கடைசி சுற்றுக்கு முன்னேறியதாக அறிவிக்கப்பட்டது. வெளியேற்றப்பட்ட அணிகளை சேர்ந்த போட்டியாளர்கள் இதனை எளிதான விடயமாக எடுத்ததை பொதுவாக அவதானிக்கக்கூடியதாக இருந்தது.

தொடரும்.. (Final: Strategy round)

Yarl Geek Challenge: 2ம் நாள் போட்டிகள்

இவங்கதான் Mentors..

முதலாம் நாள் நிகழ்வுகள் நினைத்ததைவிட ஒருபடி மேலே போனதை போன்ற சந்தோசம் எல்லோருடைய முகத்திலும் இருந்தது. Smart Friends கடைப்பிடித்த புதுமையான requirements interview நாடகம் போன்ற presentation வழிமுறை எல்லோரையும் கவர்ந்திருந்தது. . எல்லா அணிகளும் Powerpoint presentationகளை பயன்படுத்தியபோது  Arimaa அணியினர் Prezi என்ற Tool மூலமாக செய்த presentation அவர்களது வேகமான styleக்கு நன்றாக பொருந்தியிருந்தது. Zeros அணியினர் simulate செய்த ஆடு புலி ஆட்டம் அந்த விளையாட்டை பற்றி அறிந்திராதவர்களிடையேயும் ஆர்வத்தை உண்டாக்கியது. இப்படி ஒவ்வொரு அணியும் ஏதாவது ஒருவகையில் புதுமை செய்து பார்வையாளர்களை கவர்ந்திருந்தன. அன்றிரவு நடந்த சம்பாஷணையில் சயந்தனும், பாலா அண்ணனும் தாங்கள் ரசித்த விசயங்களை சொன்னபோது இன்னும் பல சின்ன சின்ன விஷயங்கள் ஒவ்வொரு அணியின் Presentationஇலும் இருப்பதை அறிந்தேன். முன்னைய இரவு ஒருவரும் பஸ்ஸில் நன்றாக நித்திரை கொள்ளவில்லை ஆகவே அடித்துபோட்டது போல நல்லா நித்திரை கொண்டோம். இரவு பயங்கர இடியுடன் மழை பெய்ததாக காலையில் News கேட்டபோதுதான் தெரிந்தது.

அதிகாலை(?) 7 மணிக்கே எழும்பி குளித்துவிட்டு பழைய Park அருகாமையில் தங்கியிருந்த Mentors மற்றும் முக்கிய பிரமுகர்களை அழைத்துக்கொண்டு அவசர அவசரமாக கொக்குவில் இந்துக்கல்லூரிக்கு விரைந்தோம். ஆனாலும் இருபது நிமிஷம் தாமதம். போட்டியாளர்கள் தங்களது அணிக்கான Mentorஐ தேடிக்கொண்டிருந்தார்கள். இரண்டாம் நாளான 27ஆம் திகதி Software Design. இது மாணவர்களுக்கு கொஞ்சம் அந்நியமான சுற்று என்றே எனக்குப்பட்டது. 13ஆம் திகதி நடந்த Project Proposal Roundஇன் போது நாங்கள் எல்லோரும் ஒவ்வொரு Round பற்றிய அறிமுகத்தை வழங்கினோம். அந்நிகழ்வில் நான்தான் Design Round பற்றிய அறிமுகத்தை வழங்கினேன். அப்போது "Software Design என்றால் என்ன" என்ற கேள்வியை கேட்க மாணவர்களிடையே அமைதி. கிடைத்த ஒரு சில

பதில்களும் வேறு ஏதோ ஒன்றை பற்றியதாக இருந்தது. முதலில் ஆடிப்போன நான் எளிதாக புரியும்வண்ணம் Software Designஐ வீடு கட்டும் போது போடும் planஉடன் ஒப்பிட்டேன். "வீடு கட்டும்போது சரியாக Plan போடாமல் கட்டினால் வீட்டு பொம்பளைகள் ஏதாவது குறை கண்டு பிடிப்பார்கள். வீட்டை கழுவினால் தண்ணீர் வெளியே தட்ட முடியவில்லை என்பார்கள். ஆகவே வீடு கட்டுவதற்கு முன்னராகவே Plan போட்டுவிட்டு எல்லோரிடமும் காட்டிய பின்னர் கட்டினால் அப்படி ஒரு பிரச்சனை வராது. அதுபோலவே Software Applicationஐ செய்வதற்கு முன்னராகவே செய்யும் visual planதான் Software design" என்றேன். நானும் பல்கலைகழக காலங்களில் Software Design பற்றி அவ்வளவாக அறிந்திருக்கவில்லை. புரிய முயற்சிக்கவில்லை. ஆகவே இந்த Roundஐ எப்படி போட்டியாளர்கள் எடுத்துக்கொள்வார்களோ என்ற எண்ணம் எங்களுக்கு இல்லாமலில்லை. முதலாவது Roundஇல் செய்தது போலவே,
போட்டியாளர்களின் ஆயத்தங்களை கண்காணிக்க பாலா அண்ணன், விஜயராதா, மதுரா, நிரூபரன் அடங்கிய அதிரடிப்படை கிளம்பியது. இவர்கள் ஒவ்வொரு அணிகள் செய்த ஆயத்தங்களை தீவிரமாக ஆராய்ந்து அவர்களின் நிறை குறைகள் பற்றி அவர்களிடமே கூறினர் . ஆராய்ச்சியின் முடிவாக அவர்கள் சொன்ன பின்னூட்டங்களின் மூலமாக சில அணிகள் தங்களது Designஐ திறம்படுத்தின.

மதியம் பன்னிரெண்டரை மணி, அரக்க பறக்க சாப்பிட்டுவிட்டு Judgeக்கு Design Round பற்றிய அறிமுகத்தை சொன்னோம். அப்போது நான் குறிப்பிட்ட "Unorthodox Diagram" பற்றி Judges நிறைய விசாரித்தனர். வழமையான Software Design standardsஇனை பாவிக்காமல் புதுமையாக வடிவமைக்கப்பட்ட ஏதாவதொரு innovative Diagram என்றேன். அதன்பிறகு Judges நிகழ்வு நடக்கும் இடத்துக்கு வர போட்டியாளர்களின் இதயம் துடித்த சத்தம் Judgesஇன் காலடி ஓசையையும் மீறி கேட்டது.

Round-02 Design Round

Panel.. Expert panel..

ஒவ்வொரு அணிக்கும் எட்டு நிமிடங்கள் presentationஇற்கு வழங்கப்பட்டன. ஏழு நிமிடங்கள் பார்வையாளர்களின் கேள்விகளுக்காக ஒதுக்கப்பட்டன. ஒவ்வொரு அணியும் வெவ்வேறான Projectஐ செய்ததால் வித்தியாசமான Design Diagramகளை காணக்கூடியதாக இருந்தது. Project Architecture Diagram, UseCase Diagram, Component Diagram, Activity diagram என்று பல்வேறான Diagramகள் மூலமாக போட்டியாளர்கள் தங்களது project designஐ விளங்கப்படுத்தினர். சில அணியினர் Poster paper போன்றவற்றில்கூட Diagramஇனை வரைந்திருந்தனர். அனேக அணிகள் தங்களது projectக்கு பொருத்தமான Design diagramகளை தெரிந்திருந்தனர். ஆனாலும் சில Projectஇன் complex nature காரணமாக design diagramகளை தெரிவு செய்வதில் சில அணிகள் தடுமாறியிருந்தன. என்றாலும் குறைவான நேரத்திலேயே தயார்செய்து அழகாக present செய்தார்கள். இந்த அணிகளிடம் கேள்விகளை கேட்பதற்காகவே Expert panel என்று பெயரிடப்பட்ட உத்தியோகபூர்வமான கேள்விகளை கேட்கும் அதிகாரம் படைத்த அணி உருவாக்கபட்டிருந்தது. அந்த அணியில் மதுரா, யாழினி அக்கா போன்றோர் இருந்தனர். அந்த அணியை தலைமை தாங்கியது விஜயராதா. ஒவ்வொரு அணி Present பண்ணும்போதும் உன்னிப்பாக அவதானித்து பின்னர் கேள்விகள் கேட்பதுமாக பதுங்கியிருந்து பாயும் தாக்குதல் நடவடிக்கை மேற்கொண்டனர். Present பண்ணும்போது அசராத அணிகளும் கேள்வி நேரத்தின்போது பெரிய நெருக்கடியை சந்தித்தன. ஆனாலும் சில அணியினர் சுதாரித்துக்கொண்டு பதிலளிக்க ஆரம்பிக்க ஆட்டம் சூடு பிடிக்க ஆரம்பித்தது.


 சில அணிகளின் Presentationகள் புதுமையாக இருந்தது. சில அணிகள் போதுமான Design diagramகள் இருந்த போதிலும் அவற்றை சரியாக விளக்கத்தவறின. அன்றைய presentationகளின் சுருக்கம் பின்வருமாறு.

Team: Phoenix

Project : கண் பார்வையற்றோருக்கான VirtualEye
இவர்களுடைய project research வகையை சார்ந்தது ஆகவே Designஐ prepare செய்வதற்கு நிறைய யோசிக்க வேண்டும். நவீன Technologies பற்றி தேடுதல் நடத்த வேண்டும். இதை இவர்கள் கிட்டத்தட்ட சரியாக செய்திருந்தார்கள். ஆனாலும் பாவிக்கும் Tenhnologiesஇல் சில இடங்களில் சறுக்கியிருந்தார்கள். கேள்வி நேரம் இவர்களது திறமையை மேலும் சோதித்தது. ஆனாலும் குறிப்பிட்ட சில கேள்விகளை சரியாக பதிலளித்தார்கள்.

Team: yarl Eagles

Project : Tourist Guide Web portal
இவர்களது Project nature காரணமாக இந்த Roundக்கு எதாவது புதிதாக யோசித்தால்தான் எடுபடும் என்ற சூழ்நிலை. Web Applicationகளுக்கு பொருத்தமான diagramகளை இவ்வணியினர் பயன்படுத்தி present செய்தாலும் அதில் அவ்வளவு புதுமை இருக்கவில்லை. என்றாலும் ஓரளவு முழுமையாக presentation எனலாம்.

Team: Young Bloomers

Project : IFish
இவர்களது projectஇனுடைய Scope அதிகமாக இருப்பதாக நடுவர்கள் முதலாவது Roundஇல் கூறியிருந்தார்கள். ஆகவே இந்த Roundஇன் தொடக்கத்தில் தங்களது குறைக்கபட்ட புதிய Scopeஇனை விளங்கப்படுத்தியவாறு தொடங்கினார்கள். இவர்கள் பொருத்தமான Architecture, Activity diagramகளை தெரிவு செய்திருந்தாலும், present பண்ணும்போது ஒருவித தடுமாற்றம் இருப்பதை உணர முடிந்தது. பின்னர் விசாரித்தபோது இவர்களுக்கு துரதிஷ்டவசமாக ஏற்பட்ட ஒரு நிகழ்வின் காரணமாக சரியாக ஆயத்தபடுத்த முடியாமல் போனதாக அறிந்தோம். இந்த Roundஇல் இவர்கள் வெளியேறினாலும் இவர்களுடைய Project concept எல்லோருக்கும் பிடித்திருந்ததை ஒருவரும் மறுக்க முடியாது.

Team: Cybers

Project : Social Mobic
இந்த roundஇற்கு ஏற்ற scope இருக்கிற project என்பதால் என்ன மாதிரியான Design diagramகளை தெரிவு செய்யவேண்டும் என்பதில் இவர்களுக்கு குழப்பம் இருக்க வாய்ப்பில்லை. Project architecture diagram, Activity diagram என்று கலந்து முழுமையான presentationஐ வழங்கினர். எனினும் Diagramகள் இன்னும் புதுமையாக தெளிவாக உருவாக்கியிருக்கலாம் என்று எனக்குப்பட்டது.

Team: Zeros 

Project : ஆடு புலி ஆட்டம் Modile Game
இவர்களது project ஒரு போனுக்குள்ளே மட்டும் வாழும் Software பற்றியது. ஆகவே மற்ற அணிகள் போன்று ஜரூராக வகைவகையாக Design diagramகளை போட முடியாது. ஆகவே இவர்களுக்கு இந்த Roundஇல் மிக வித்தியாசமான approach அவசியப்பட்டது. அதனை அவர்கள் சரியாக செய்ய முயற்சித்தாலும் அவ்வளவு impressive ஆக இருக்கவில்லை என்றே எனக்குப்பட்டது. ஆனாலும் presentation தெளிவாக இருந்தது.

Team: Arimaa

Project : AID, Portal for Benefactors and beneficiaries
இவர்களது web portal projectஇற்கு ஏற்றவாறு Architecture diagram, Component diagram, Mock UI flow என்று கலந்து தங்களது project designஇனை சிறப்பாக present செய்தனர். பயன்படுத்தபோகும் Technologiesஇல் PHP, Symfony, Ajax போன்ற Technologiesகளை அடுக்கினாலும், இவற்றை பாவிப்பதால் ஏற்படும் நன்மைகளை சரியாக convey செய்யத்தவறியது சின்ன நெருடலாக இருந்தது. என்னைகேட்டால் Symfony போன்ற Frameworkஇல் உள்ள librariesஐ பாவிப்பதன் மூலம் Development நேரத்தினை குறைக்கலாம் என்பேன்.

Design in the Poster paper, by smart friends

Team: Smart Friends

Project : Automated Electricity Meter reading system.
இவர்களது project, Hardware component பாதி Software component பாதி இணைந்த கலவை. ஆகவே Electronic Hardware சம்பந்தமான componentகளை poster paperஇல் வரைந்து புதுமையாக present பண்ணினார்கள். ஏனைய Software componentsகள் வழமை போல presentationஇல் வந்தது. முதல் Roundஇல் செய்ததை போலவே நான்கு உறுப்பினர்களும் சேர்ந்து present செய்தது Team effortஐ காட்டுவதாக இருந்தது. Radio wave, GSM Modem, Http API, PHP ஆகிய Technologyகளை தெரிவு செய்திருந்தாலும் கேள்வி நேரத்தின் போது அதனை சரியாக defend பண்ணாதது ஒரு குறையாகவே இருந்தது..

Team: Crazy Coders

Project : Automated HealthCare patient details storage system.
Software Designஇன் முக்கிய அங்கம் Usecase diagram ஆகும். அதனை இவர்கள் சரியாக பயன்படுத்தி ஒரு patient இந்த systemஇனை Card மூலமாக பாவிக்கும்போது வரக்கூடிய அத்தனை scenarioக்களையும் பட்டியலிட்டனர். அத்துடன் இவர்கள் தெரிவு செய்த Technologyகள் இவர்களுடைய projectஇற்கு சரியாக பொருந்தியிருந்தததை அவதானிக்கக்கூடியதாக இருந்தது.




எல்லா அணிகளும் present செய்து முடித்தபின்னர் Judges
அரங்கிலிருந்து வெளியேறி Final results பற்றிய விவாதத்தில் ஆழ்ந்தனர். இம்மாதிரியான விவாதங்கள் அரை மணித்தியாலங்களுக்கு மேலாக போகும். போதாக்குறைக்கு அன்றைய தினம் சில அணிகளை வெளியேற்ற இருப்பதாக Judges கூறிச்சென்றனர்.

ஒரு "பலியாடு" தயாராகிறது..

ஆகவே அவர்கள் நல்லா நேரம் எடுக்கப்போவது உறுதி. அந்நேரத்தினை உருப்படியாக கழிப்பதற்கு சயந்தன் ஒரு யோசனை வைத்திருந்தார். அந்த இடைவேளை நேரத்தில் mentorகள் மூலமாக போட்டிகளின்போது present செய்யப்பட்ட ஏதாவதொரு Designக்கு பதிலீடாக வேறொரு Design diagramஇனை White boardஇல் வரைய வேண்டும். இதன்மூலம் ஒரு குறிப்பிட்ட Projectற்கு பல்வேறான Design ideaக்கள் இருக்க முடியும் என்று போட்டியாளர்களுக்கு விளங்கபடுத்துவதே அந்த நிகழ்வின் நோக்கம். இதற்காக தெரிவு செய்யப்பட்டது நானும் துஷியும். நானும் அவரும் முன்னதாகவே கதைத்து ஒரு வித்தியாசமான Designஐ பிடித்தோம். அந்த ideaவை துஷி விளங்கபடுத்துவதாக முடிவு செய்தோம். ஆனால் எனக்கென்றொரு உருப்படியான design அகப்படவில்லை. ஆகவே "நீங்க மட்டுமே present பண்ணிடுங்க துஷி! அதுதான் சூப்பரா வரும்" என்றேன். போதாக்குறைக்கு "White boardஐ பாவிச்சு சொன்னீங்க என்றால் நல்லா எடுபடும். உங்களுக்கு மேவி இழுத்தா வாற Hairstyle சூப்பரா இருக்கும்" தைரியம் கூறி ஆளை முன்னுக்கு அனுப்பி வைத்தேன்.

துஷி அழகாக Automated meter readerஇற்குரிய பதிலீட்டு designஐ விளங்கபடுத்தினார். மாணவர்களுக்கு இவரிடமிருந்து கேள்வி கேட்கும் வாய்ப்பு வழங்கப்பட்டது. இவ்வளவு நேரமும் கேள்விகளுக்கு பதில் சொல்லி களைத்துபோயிருந்த மாணவர்கள் கிடைத்த சந்தர்பத்தில் துஷியை கேள்விகளால் துளைத்தனர். அவற்றுக்கு துஷி பொறுமையாக சிரித்த முகத்துடன் பதிலளித்தார். இந்நிகழ்வை பற்றி எங்களுக்குள் கதைக்கும் போது "பலியாடு" என்று CodeWord வைத்துக்கொண்டோம். ஏனென்றால் தீடீரென்று எங்களில் தெரிவுசெய்யப்படும் ஒருவர் முன்னுக்கு வந்து present பண்ணவேண்டும்.. கேள்விக்கணைகளை முறியடிக்க வேண்டும்.. அடுத்த நாள் போட்டியின்போது  யாரை அனுப்பலாம் என்று ஒரு சின்ன விவாதமே எங்களுக்குள் நடந்தது.

இந்நேரத்தில் Judges தங்களது முடிவுகளை அறிவிப்பதற்காக போட்டி நடக்குமிடத்துக்கு திரும்பினர். ஒவ்வொரு அணிக்குமான நிறை குறைகளை விரிவாக அலசினர். போட்டியாளர்கள் மட்டுமன்றி Mentorகளும் பதற்றத்துடன் பார்த்துகொண்டிருக்க முடிவு வெளிவந்தது. கடைசியாக Young Bloomers மற்றும் Yarl Eagles ஆகிய அணிகள் வெளியேற்றப்பட்டதாக அறிவிக்கப்பட்டது. ஆனாலும் மிகக்குறைவான புள்ளி வித்தியாசத்தினாலேயே இவ்வணிகள் வெளியேற்றப்பட்டதை Judges குறிப்பிடத்தவறவில்லை, எனக்கு இவ்வணிகளின் project ideaக்கள் மிகவும் பிடித்திருந்தன. ஆனாலும் அன்றைய தினத்தில் அவர்களுக்கு அதிஷ்டம் இருக்கவில்லை போலும். Crazy Coders அணியின் தெளிவான presentation மூலமாக அவர்கள் வெற்றி பெற்றதாக அறிவிக்கபட்டது.


தொடரும் (Algo Round)

Yarl Geek Challenge : முதலாம் நாள் போட்டிகள்

அணித்தலைவர்கள்

"அரியாலை தபால் பெட்டி சந்தி வந்தா சொல்லுங்கண்ணே.. நித்திரை தூங்கினாலும் பரவாயில்லை அடிச்சு எழுப்புங்க" என்று பஸ் நடத்துனரிடம் சொல்லிவைத்தேன். யாழ்ப்பாண பஸ்களில் இதுதான் பிரச்சனை. இரவு முழுக்க நித்திரை வராது. அதிகாலையில் சரியாக இறங்குவதற்கு முன்னர் ஒரு சூப்பர் நித்திரை வரும் பாருங்க.. "இடம் வந்திட்டுது" என்று யாராவது எழுப்பும்போது எழுப்பிற ஆளை போட்டுத்தள்ளிடலாமா என்று எண்ணம் வரும். "அரியாலை தபால் பெட்டி சந்தி இறக்கம்" என்று சத்தம். நானும் ப்ரீத்திராஜ் அண்ணாவும், நிரோஜனும் இறங்கினோம். நித்திரையில் நடப்பது போல நடந்து கொண்டே இருந்தோம் ஆனால் நாங்கள் போக வேண்டிய வீடு மட்டும் வரவில்லை. அதிகாலையில் தூக்கம் கெடுக்கப்பட்டதால் நாய்கள் எதிர்ப்பை வெளிப்படுத்தின. ஒரு நாய் மட்டும் சத்தமில்லாமல் பின்னால் வந்து எங்களுக்கு பீதியை ஏற்படுத்தியது.

வீடு ஒருவாறாக வந்தது. சயந்தனும், பாலா அண்ணனும் நாங்கள் வருவதற்கு முதல் நாளே வந்து தொடக்க அலுவல்களை பார்த்துக்கொண்டிருந்தனர். ஆகவே நாங்கள் ஆறு மணிக்கு அந்த வீட்டை சென்றடைந்தபோது அவர்கள் இருவரும் ரெடியாகி Yarl Geek Challenge போட்டி நடக்கும் இடத்துக்கு போக தயாராக இருந்தனர். நாங்களும் குளித்து ரெடியாகி கொக்குவில் இந்து கல்லூரிக்கு ஒன்பது மணிக்கு முன்பதாக சென்றடைந்தோம். அங்கே பங்குபற்றும் அணிகளை சேர்ந்த எல்லோரும் கூடியிருந்தனர். கல்லூரியின் கணினிக்கூடம் Yarl Geek Challenge நடத்துவதற்கு ஏற்றவாறு நன்றாக மாற்றியமைக்கப்பட்டிருந்தது. ஒரு பகுதி போட்டிகளை நடத்துவதற்காகவும் அடுத்த பக்கம் போட்டியாளர்களும் Mentorsகளும் கலந்தலோசிப்பதற்கு ஏற்றவாறு ஒழுங்கமைக்கப்பட்டிருந்தது. சர்வேஸ் அண்ணா போட்டி நடத்த பொருத்தமான இடத்தை தெரிவு செய்திருப்பதாக எல்லோரும் ஆமோதித்தனர். போட்டி எவ்வாறு இருக்கபோகிறதோ என்ற எண்ணம் எனக்கு ஒரு பெரிய யோசனையாக இருந்தது. ஆனால் மாணவர்கள் தீவிர ஆர்வத்துடன் Presentationகளை தயாரித்துக்கொண்டிருந்தனர். எல்லாப்போட்டிகளும் Software Engineering Life Cycleகளை அடிப்படையாக கொண்டு வடிவமைக்கப்பட்டிருந்தன. Projectகளின் அறிமுகம் ஏலவே முதலாம் சுற்றில் Project Proposal Roundஇல் முடிந்திருந்தது. ஆகவே 26ஆம் திகதி முதல் தீவிர மோதல் தொடங்கவிருந்தது. முதலாவதாக Requirements round.

Round-01 Requirements round

இந்த சுற்றில் பங்குபெறும் அணிகள் தங்களது project மூலமாக பாவனையாளருக்கு வழங்கவிருக்கும் அனுபவத்தினை present செய்யவேண்டும் என்பதாகும். கணினி தொழிர்சார் துறைகளில் "Requirements gathering" எனப்படும் சமாச்சாரம் ஒரு projectக்கு எவ்வளவு முக்கியத்துவம் வாய்ந்தது என்று கணினி வல்லுனர்கள் அறிந்த விடயம். இதனை சரியாக செய்யாவிட்டால் project வெற்றி பெறும் வாய்ப்பு ஆண்டவன் விட்டவழி என்று முடிவு செய்துவிடலாம். "Requirements gathering" என்றாலே எனக்கு சிங்கப்பூர் சைனீஸ்காரிகளிடம் சொதப்பலாக requirements interview செய்ததுதான் ஞாபகம் வரும். அப்பாவித்தனமாக எதாவது ஒரு கேள்வியை கேட்டுவிட்டு நிறைய வாங்கிகட்டிகொண்டிருக்கிறேன். நான் வேலைக்கு சேர்ந்த ஒரு வருடத்தில் கிடைத்த அந்த முதல் அனுபவம் பெரிய பாடத்தை புகட்டியது. ஆனால் இன்று போட்டியாளர்களுக்கு ஒரு நேரிடையான முன் அனுபவம் இந்த சுற்று.

Let the Game begin

போட்டிகளின் ஆயத்தப்படுத்தல் நிகழ்வாக போட்டியாளர்களுக்கு Customer Visiting என்ற கேள்விகளால் துளைத்தெடுக்கும் நிகழ்வு ஆரம்பமானது. பாலா அண்ணன், விஜயராதா, மதுரா, யாழினி அக்கா எல்லோரும் ஒவ்வொரு அணி தங்கிருந்த பாசறைக்கும் (??) சென்று Customerகள் வழமையாகக் கேட்கும் கேள்விகளை போன்ற அதிரி புதிரி கேள்விகளை ஆரம்பித்தனர். போட்டியாளர்கள் முதலில் அசந்து போனாலும் பின்னர் மெதுவாக பதிலளிக்க ஆரம்பித்தனர். கேள்விகள் மட்டுமல்லாது போட்டியாளர்கள் செய்த ஆயத்தங்களை பற்றியும் கேள்விகள் மூலமாக எடைபோட்டனர். நேரம் பன்னிரெண்டு மணியை நெருங்கிக்கொண்டிருந்தது. போட்டியாளர்கள் ஒருவித வெறியுடனே ஆயத்தங்களை மேற்கொள்ளுவதால் அப்பகுதியில் ஒருவித பதற்றம் இருப்பதை உணரக்கூடியதாக இருந்தது. போட்டியாளர்களைவிட அவர்களுடைய அணிகளுக்கு ஆலோசனை வழங்க வந்த Mentorகள் கடுமையான யோசனைலிருந்தனர். ஒருசில Mentorகளை அவர்களுடைய Teamஇலிருந்து பிரித்து எடுத்து மதிய உணவுக்கு அனுப்பவே பகீரத பிரயத்தனம் மேற்கொள்ள வேண்டியிருந்தது :).

Judges

இப்போது மணி பிற்பகல் 1:45, Dr.மகேசன், Dr.தபோதரன், ப்ரீத்திராஜ் அண்ணா எல்லோருக்கும் சயந்தன் Requirements round பற்றிய அறிமுகத்தை வழங்கினார். கிட்டத்தட்ட இரண்டு மணிக்கு போட்டிகள் ஆரம்பமாகின. பின்வருமாறு எட்டு அணிகள் தங்களது project ideaக்களை Present செய்தன.

Team: Phoenix

கண்பார்வையற்றோருக்கு பயன்படக்கூடிய இவர்களின் Project Research வகையை சார்ந்தது. ஒரு கருவியை கண்பார்வையற்றவர்களின் கண்ணாடியில் பொருத்திவிட அந்த கருவி முன்னால் வரும் நபர்களின் படங்களை பதிவு செய்து பின்னர் process செய்து அவர்களை கண்டறிந்து உரிய விபரங்களை அந்த குறிப்பிட்ட நபருக்கு தெரியப்படுத்தும். பொதுவாகவே இவ்வாறான research Projectகளில் இருக்கும் complexity காரணமாக Presentation குழப்பமாக இருந்தாலும் நன்றாகவே இருந்தது.

Team: yarl Eagles

புதிதாக வரும் Touristகளுக்கு வழிகாட்டும் Tourist Guide என்ற இந்த applicationதான் இவர்களின் project. இதன்மூலம் ஒரு குறிப்பிட்ட இடத்துக்கு செல்லும் Touristகளுக்கு தேவையான எல்லா தகவல்களையும் ஒரே இடத்தில் பெற்றுக்கொள்ளும் வசதியை ஏற்படுத்திக்கொடுப்பதே இந்த Projectஇன் நோக்கம். Presentation சிறப்பாக இருந்தாலும் சில இடங்களை இன்னும் நன்றாக விளக்கியிருக்கலாம் என்றே தோன்றியது.

Team: Young Bloomers(IIS City campaus 4ம் ஆண்டு மாணவர்கள்)

IFish என்று புதுமையாகப்பெயரிடப்பட்ட இந்த Project மீனவர்கள் மீனை பிடிக்கும்போதே கைப்பேசி மூலமாக பிடிபட்ட அளவை Systemத்துக்கு update செய்து விடலாம். மொத்தமாக வாங்க விரும்பும் நபர்கள் ஏலத்தில் போட்டியிட்டு வாங்கலாம். இதன்மூலமாக பிடிபட்ட மீன்களுக்கு நல்லவிலை கிடைப்பதோடு உடனடியாக விற்கும் வசதியும் ஏற்படும். இவர்களது Presentation நன்றாக இருந்தாலும் நிறைய விஷயங்கள் Scopeஇல் இருந்ததால் கொஞ்சம் குழப்பமாக இருந்தது,

Team: Cybers

Social Mobic எனப்படும் இவர்களது application மூலமாக சமூக பிரச்சனைகளை பற்றிய Compliantsஐ குறிப்பிட்ட அரசாங்க ஸ்தாபனத்துக்கு தெரியப்படுத்தும் வசதியை கைப்பேசியில் பெற்றுக்கொள்ளலாம். இதன்மூலம் பொதுமக்கள் எளிதாக Compliants செய்ய முடியும். அதுமட்டுமல்லாது அதனை இலகுவாக Track பண்ணும் வசதியும் ஏற்படும். இவர்களது Presentationஇன் போது சில விஷயங்கள் தெளிவாக இல்லாவிட்டாலும் பொதுவாக நன்றாகவே இருந்தது.

Team: Zeros (Jaffna University 4ம் ஆண்டு மாணவர்கள்)

வித்தியாசமான Project idea இவர்களுடையது. தமிழர்களின் பாரம்பரிய விளையாட்டான "ஆடு புலி" ஆட்டத்தை Android applicationஆக உருவாக்கபோவதாக கூறினார்கள். இவர்களது Presentationஇன் போது ஆடு புலி ஆட்டம் எவ்வாறு ஆடப்படும் என்பதை அழகாக simulate பண்ணினார்கள். இதுவரை இந்த விளையாட்டை விளையாடியிராத எனக்கும் நன்றாக புரிந்தது என்றால் பார்த்துக்கொள்ளுங்கள்.

Team: Arimaa (மொறடுவ பல்கலைகழக 3ம் ஆண்டு மாணவர்கள்)

இவர்களது project ஒரு புதுவிதமான Social Network portal. இந்த portalஇல் உதவி தேவைப்படுகிற நபர்கள் தங்களுக்கு தேவைப்படும் உதவிகள் தொடர்பான விபரங்களுடன் பதிவு செய்யலாம். இதே போல் மற்றவர்களுக்கு உதவி செய்யவிரும்பும் நபர்களும் தாங்கள் செய்ய விரும்பும் உதவி சம்பந்தமான தகவல்களுடன் பதிவு செய்யலாம். இந்த இரு நபர்களையும் இணைக்கும் பாலமாக இவர்களுடைய AID என்கிற project செயற்படும். இவர்கள் இந்த Ideaவை இந்த Roundஇல் Present பண்ணும்போது நேரத்தினை சரியாக பயன்படுத்தாமல் விட்டதாக எனக்கு தோன்றியது. ஆனாலும் Presentation தெளிவாக இருந்தது.

Team: Smart Friends (Jaffna University 3ம் ஆண்டு மாணவர்கள்)

இவர்களது project Automated Electricity Meter reading system. இப்போது இருக்கும் Analog மீட்டருடன் இவர்கள் உருவாக்கும் கருவியை பொறுத்தி meter readingஐ automate பண்ணுவதுதான் இவர்களது குறிக்கோள். அது மட்டுமல்லாமல் பாவனையாளர்களுக்கு Web application மூலமாக பணத்தை செலுத்திடும் வசதியும் இவர்களது Projectஇல் அடக்கம். இவர்களது Presentation, Requirements Interview போன்றே வடிவமைக்கப்பட்டிருந்தமை புதுமையாக இருந்தது. சில இடங்களில் தடுமாறினாலும் இவர்களது புதுமையான Presentation வழிமுறை அந்த குறைகளை மறைத்திருந்தது.

Team: Crazy Coders (IIS City campaus 1ம் ஆண்டு மாணவர்கள்)

இவர்களது project Automated HealthCare patient storage system. இவர்களது System மூலமாக patient ஒருவரின் Medical History ஒரு Cardஇல் பதியப்படும். இதன்மூலமாக வைத்தியர் எளிதாக patient பற்றிய  Medical Historyயை எளிதாக அறிந்து கொள்ளலாம். அத்துடன் வைத்தியர் பரிந்துரைக்கும் மருந்து சம்பந்தமான விபரங்களை Cardஇலேயே பதிந்து விடலாம். இந்த முறை மூலம் வைத்தியர்களின் கிறுக்கல் எழுத்துகளால் ஏற்படக்கூடிய குழப்பங்கள் நிச்சயம் நீங்கும் என்பதில் சந்தேகமில்லை. ஒரு சில விசயங்களை விளங்கப்படுத்துவதில் சறுக்கினாலும் பொதுவாக நன்றாகவே இருந்தது.


இந்த Roundஇல் எந்த அணியும் வெளியேற்றப்படவில்லை. ஆனாலும் இரண்டு அணிகளை வெளியேற்றபோவதாக நாடகமாடி போட்டியாளர்களின் வயிற்றில் புளியை கரைத்த பெருமை Judgesஐ சாரும் :). Smart Friends அணி இந்த சுற்றில் வெற்றி பெற்றதாக அறிவிக்கப்பட்டது.

தொடரும்... (Design Round)

Yarl Geek Challenge. Round3: Design

Finally, we are ready to get on with our Yarl IT Hub community's first ever IT Competition "Yarl Geek Challenge". This Season-1 competition is going to start on 13th of October with the Project Proposal round and next four competitive rounds are going to be held between the 26th to 29th of October. There will be 5 rounds in this competition and each of these rounds were designed based on the software engineering lifecycle. So it will give some flavour of the Software engineering lifecycle to the students,  who getting ready to step into the world of IT.

Round-1 Project proposal
Round-2 Requirements gathering
Round-3 Design
Round-4 Algorithm
Round-5 Product strategy

There will be a series of blog posts written for each of the above rounds by our fellow community members. Here is the detailed description of the Round-3 Design.

Design Round

Software Designing is an essential part of the software development lifecycle. Once the requirements have been gathered and finalized for the project, design need to be started to sketch the overall plan of the project. It is always better to put the possible design decisions to the design documents up front. Design document is the best way to communicate the overall development plan to the project team members. Moreover you can assume the Software design as the bridge between the customer's requirements and the actual Software development. If bridge is not built properly, you will have hard time to get to the other end. So it is very important to pay more attention to the Software designing. But Software designing is often given lower priority when allocating the time for the design tasks. In very big projects Software designing is really essential and bad design decisions can be proved to be costly in the later stages of the software development.

"Software Designing" will be in the 2nd round of the "Yarl Geek Challenge" competition. Main objective of this round is to test the designing skills of the participants and how well they can defend their design decisions.

This design round will consists of 3 parts.
1. Design presentation
2. Questions from the judges
3. White-board design

1. Design presentation

In this round, participants are expected to express their design in any form. There are no hard and fast rules on how the presentation should look like. It can even be a well planned panel discussion, in which, more than one participants can present the design in a well planned sequence. New ways can get more attention from the judges and can bring the added advantage during the evaluation. Along with the project design, participants are expected to list the technologies to be used for the actual implementation of the project. Maximum of 7 minutes will be given to do this presentation.

Following are the few of the ways that the design can be expressed. But please keep in mind that, there is no limitation on what kind of diagrams are expected.

a) Basic architecture diagram / Module diagram (it depends on the project’s nature)
b) Mock UI Screen flows
c) Sequence diagram
d) Activity diagrams
e) Technologies to be used and why they have chosen

There is no hard and fast rules on the number of diagrams to be presented or what diagrams to be included. Because nature of the diagrams will differ based on the selection of the project and the team's design decisions. Judges will pay more attention to the following aspects from the presentation.

I. Cohesion
How comprehensive the design presentation when considering the project scope. Depending on the project’s scope, presented design diagrams should give the clear idea of the project’s design. So mentors are expected to guide the Team to come up with the suitable diagrams for the selected projects.
II. How well the overall design is expressed
Design presentations can be done in anyway. Even whiteboard design can get more attention when it is well planned.
III. Relevancy between the project requirements and the presented design
How well the requirements have been covered in terms of design aspects.
IV. Innovative
It can be even the way the presentation was done or any new unorthodox diagrams used within the presentation, which were found to be explaining the design in a better effective way
V. Chosen Technologies
Listed technologies should have the capability to implement the selected project. Technologies should match the current trend in the software world.

2. Questions from the judges

Depending on the Scope of the project, judges can evaluate the Design presentations and come up with some set of questions to get more clear understanding of the intended design from the Team. So judges can question the parts which were not clearly explained during the presentation.

3. White-board design

Following questions can be given at the end of the design presentation and participants will be allowed some time (20-40 minutes) to come up with their solution. Participants are expected to use the white board to quickly draw the design. This third part of the round can be done once all the Teams finish presenting their Design presentation.

a). If a particular requirement is not covered within the design presentation, ask the Team to explain how that requirement can be added to the design
b). Change any of flow of the current design with some new requirements and ask the participants to come up with a new flow diagram

யாழ் பயண கட்டுரை

நானும் தனுஷனும் வெள்ளிக்கிழமை நாலரை மணிக்கே அலுவலகத்தினை விட்டு கிளம்பி வீட்டுக்கு போனோம். தனுஷன் சரியா நேரத்துக்கு நிற்பேன் என்று சத்தியம் செய்து விட்டு வெள்ளவத்தையில் இறங்கினார். ஏழு மணிக்கு யாழ்பாணத்துக்கு பஸ் வெளிக்கிடும் என்றார்கள். இரண்டு நாளைக்கு தேவையான துணிகளை ஒரு பயணப்பைக்குள் திணித்துக்கொண்டு வீட்டை விட்டு கிளம்பினேன். அவசரஅவசரமாக இரவு சாப்பாட்டை வாய்க்குள் திணித்துக்கொண்டிருந்தபோது, போன் பாடல் இசைத்தது. வேற யாரு "மதுயிச" மதுதான் போன் பண்ணி பஸ்ஸுக்கு லேட்டாகிறது என்று சொல்லி கிலியை ஏற்படுத்தினார். "அம்மா! இவ்வளவு சாப்பிட்டதே போதும்.. பஸ் போகப்போகுது" என்று விடைபெற்றேன். சரியாக ஏழு மணிக்கே பஸ் ஏறுமிடத்தில் ஆஜரானேன். மதுவும், பாலா அண்ணனும்தான், சயந்தனும் காத்திருந்தார்கள். மற்றவர்கள் எல்லாம் ஏதோ பிக்னிக்கு போவதைபோல ஜாலியாக உடுத்தியிருந்தார்கள். ஆனால் வழமைபோல நான் மட்டும் சீரியஸா உடுத்தியதை எண்ணி வருந்தினேன். சயந்தனின் முகத்தில் கவலை ரேகைகளுடன், கோப ரேகையும் சேர்ந்திருந்தது. சரியான நேரத்தினை

இதுதாங்க மலாயன் கபே முன்புற தோற்றம்

கடுமையாக கடைப்பிடிக்கும் தனுஷன்(?) வழமை போலவே இன்றும் சொதப்பி விட்டார். அதுசரி, அவரை விட்டுட்டு கிளம்பலாம் என்றாலும் முடியாது. பயபுள்ள எல்லோருடைய டிக்கெட்டையும் வச்சிருந்தார். "இந்த மனுஷனை ஏழேழு ஜென்மத்துக்கும் திருத்த ஏலாது" என்று எங்களது வழமையான டயலாக்கை சொல்லி மனதுக்குள் திட்டிக்கொண்டோம். எங்களது நல்ல காலத்துக்கு பஸ் இன்னமும் வரவில்லை. சயந்தன் போனை எடுத்து கேட்ட போது "இன்னும் ஐந்து நிமிடத்தில் வந்து விடுவேன்" என்றார். "அந்தாளு இப்பத்தான் பாத்ரூமிலிருந்து வெளியே வந்திருப்பார். ஆனால் இந்தா வந்து விடுவேன் என்று கதை விடுவார். இனி யாழ்பாணத்துக்கு போன மாதிரித்தான்" என்று **** சொன்னார். எல்லோருக்கும் தெரிந்த மொழிகளிலெல்லாம் கெட்ட  வார்த்தைகளை மனதில் சொல்லி ஆற்றிக்கொண்டிருந்த வேளையில் தனுஷன் வந்து சேர்ந்தார். ஆனால் பஸ் இன்னமும் வருவதாக இல்லை. தனுஷன் லேட்டா வந்ததற்கு ஒரு நம்பும்படியான காரணத்தினை இட்டுகட்டி சொன்னார். எல்லோரும் கேட்டு மனம் வருந்தினர். "பாவம் இந்த மனுஷனை அநியாயமா திட்டி தீர்த்தோமே" என்று மனம் வருந்தினர். பாவம் அவரை பற்றி எனக்கும் சயந்தனுக்கும் மட்டும்தான் தெரியும்.

பஸ் ஒன்றரை மணி நேரத்தின்பின் ஒருவாறாக வந்து ஏறிக்கொண்டோம். நானும் சயந்தனும் பக்கத்து இருக்கைகளில் அமர்ந்தோம். பாலா அண்ணனும், மதுவும் பக்கத்து இருக்கைகளில் அமர்ந்தார்கள். பாவம் தனுஷன் மட்டும் தனியா இருந்தார். சயந்தன் போகும்போதே தனது Presentation slides ஐ Laptopஇல் போட்டு காட்டினார். எல்லாமே அற்புதமான படங்கள் துணை கொண்டு ஒழுங்குபடுத்தப்பட்டிருந்தன. . இரவு பயணம் நல்ல நித்திரையுடன் கழிந்தது. யாழ்ப்பாண பஸ் நிறுத்தத்தில் நிற்கும்போதுதான் முழித்தேன். மதுவும் பாலா அண்ணனும் பின் சீட்டில் இருந்த தனுஷனின் குறட்டை சத்தத்தில் தூங்க முடியவில்லை என்று குறைப்பட்டனர்.

A1 தர உணவக சான்றிதழ்

தனுஷன் தனக்கு பக்கத்தில் இருந்தவர்தான் குறட்டை சத்தத்திற்கு காரணம் என்றார். இந்த சண்டையுடன் நடந்தபோது பிள்ளையார் இன்" ஹோட்டல் வந்துவிட்டது. பயணபைகளை அறையில் வைத்து விட்டு காலை உணவுக்காக நடந்தபோது "மலாயன் கபே" வந்தது. "A1 தர உணவு வழங்கப்படும்" என சான்றிதழை கடையின் முன்னுக்கு வைத்திருந்தார்கள். சயந்தன் கொழும்பிலுள்ள அடிமைத்தீவு A1 ஹோட்டலின் ஒரு கிளையாக இருக்கும் என்று சந்தோசப்பட்டுக்கொண்டிருந்தார். மற்றவர்கள் அதை காதில் போட்டுக்கொள்ளாமல் எதைக்கொடுத்தாலும் விழுங்கி ஏப்பம் விட ரெடியாக இருந்தனர். இடியப்பம் சொதி ஆர்டர் கொடுத்துவிட்டு சயந்தனுக்கும் A1 ஹோட்டலுக்குமான உறவினை பற்றி கதை திரும்பியது. "அவரும் A1 ஹோட்டலின் ஒரு டைரக்டர்" என்றேன். எல்லோரும் சிரிப்பானுகள் என்று எதிர்பார்த்தேன். அதையும் மது சீரியசாக "அட! அப்படியா.. சயந்தன் ரொம்ப பெரிய ஆள்தான்" என்றார். அதைக்கேட்டுத்தான் மற்றவர்கள் சிரிக்க ஆரம்பித்தனர். "இவன் எதை சொன்னாலும் நம்பிடுவான்.. இவன் ரொம்ப நல்லவன்டா" என்று தனுஷன் சொல்ல மது புரியாமல் விழித்தார். ஒருவாறாக சாப்பாடு உள்ளே இறங்கியபின்னர்தான் எல்லோருக்கும் கண் சரியாக தெரிந்தது.

குளித்து விட்டு ஹோட்டல் அறையின் முன்னுக்கு இருந்த வாராந்தாவில் பிராக்டிஸ் ஆரம்பமானது. அரைகுறையாக இருந்த எனது slidesஐ முடிக்கும் வேலையில் மும்முரமானேன். மதுதான் நிகழ்ச்சி தொகுப்பாளர். புதுசு புதுசா ஐடியாக்களை போட்டு தனது பகுதிகளை மெருகேற்றினார். அவரது "முயலாமை" கதை எல்லோருக்கும் பிடித்துப்போக அதையும் நிகழ்ச்சியில் சேர்த்தோம். இதற்கிடையில் யாழ்பாணத்திலேயே நிலைகொண்டுள்ள எங்களது பிரதான ஒழுங்கமைப்பாளர் சர்வேஸ்வரன் அண்ணா வந்து சேர்ந்தார். ரூம் எப்படி வசதியா இருந்திச்சா என்று கவலையாக விசாரித்தார். சூப்பர் ரூம் book பண்ணியிருக்கிறீங்க என்ற பின்னர்தான் நிம்மதியானார். அவரது ஐடியாப்படி Appleஇன் "Think Different" வீடியோவை YIT சந்திப்பின் தொடக்கத்தில் போடுவதாக முடிவு செய்யப்பட்டது. "இவர்கள் வித்தியாசமானவர்கள்.. உலக கோட்பாட்டுடன் உடன்பட்டு வாழாதவர்கள்.. சதுர துளைகளில் உருளை ஆணிகள் போன்றவர்கள்" என்று சுத்த தமிழில் எழுதியிருந்தார். மது சின்ன வயசில நல்லா தேவாரம் பாடமாக்கியிருப்பார் போல, அந்த வசனத்தை ஒரே மூச்சில சொல்லி தனது தமிழ் பற்றை வெளிப்படுத்தினார். எல்லோருக்கும் பொறுப்புகள் சரியாக பகிர்ந்தளிக்கப்பட சந்திப்பு ஒத்திகை இனிதே நிறைவேறியது. சந்திப்பு இரண்டரை மணிக்கு ஆரம்பிப்பதாக இருந்தது. மலாயன் கபே எல்லோருக்கும் பிடித்துப்போக அங்கேயே சாப்பிடுவதாக ஒருமனதாக தீர்மானம் மேற்கொள்ளப்பட்டது. சாப்பிட்டு விட்டு சந்திப்பு நடப்பதாக இருந்த ஹாலுக்கு நடையை கட்டினோம். வழியை பிழையாக விளங்கிக்கொண்டு செக்கு மாடு சுற்றி வருவதுபோல சுற்றி வந்து ஒருவாறாக  இடத்தை அடைந்தோம். கங்காரு தேசத்திலிருந்து ஜேகே அண்ணர் skype video call மூலமாக இணைவதாக இருந்ததால் skype callஐ டெஸ்ட் செய்தோம். Light வெளிச்சத்துக்கு எதிராக அவர் உட்கார்ந்திருந்ததால் வீடியோவில் அவரது முகம் இருட்டாக இருந்தது. சந்திப்புக்கு வரப்போகிறவர்கள் அதைப்பார்த்து பயந்து விடாமல் இருக்க அதனை வெறும் Audio callஆக மாற்றினோம் :).

மது: தமிழ் எனக்கு தண்ணி பட்ட பாடு

இரண்டரை மணிக்கு எங்களுடன் சேர்த்து இருபது பேர்தான் இருந்தோம். ஆனால் சந்திப்பு தொடங்கி பத்து நிமிடத்துகுள்ளாக அரங்கம் நிறைந்தது. மது பிராக்டிசில் செய்ததை விட பல மடங்கு நன்றாக தொகுத்து வழங்கினார். அவரது கணீர் தமிழ் நிகழ்ச்சிக்கே உயிர் தந்தது. இரு மாணவர்களது Presentationகளுடன் நிகழ்ச்சி ஆரம்பமானது. அவர்களது ஆங்கில உரைகள் அவர்களுக்கும் Computerஇற்குமான அறிமுகம் பற்றி சுவாரசியமாக போனது. அவர்களது உரையில் இருந்த தெளிவு JK அண்ணர் கொடுத்த mentoring இன் தரத்தினை வெளிக்காட்டியது. பின்னர் சயந்தனின் உரை தமிழில் ஆரம்பமானது. நான் இதுவரையில் "கொலவெறி" தனுஷ் இங்கிலிஷ்ல கதைச்சு பார்த்ததில்லை. அதுபோலவே சயந்தனையும் தமிழில் உரையாற்றி நான் ஒருநாளும் பார்த்ததில்லை. ஆனால் எதிர்பார்ப்பினை விட யாழ் IT Hub உருவான கதையை அழகாகவும் எளிமையான தமிழிலும் விளக்கினார். அவரது Presentation slideகளில் உள்ள படங்கள் அவரது கருத்துக்கு வலுவூட்டின.

இவ்வாறு சென்று கொண்டிருந்த நிகழ்வில் ஒரு அறிவுதிறன் கேள்வி-பதில் போட்டி ஆரம்பமானது. ஒவ்வொரு கேள்வி வாசிக்கப்பட்ட ஓரிரு நிமிடங்களில் மாணவர்களிடமிருந்து பதில்கள் சரமாரியாக வந்தன. அவற்றை சரிபார்த்து பரிசு வழங்கும் வேலையில் பாலா அண்ணனும், தனுஷனும் ஈடுபட்டனர். எனக்கு இவ்வாறான கேள்வி பதில்களே அலர்ஜிதான். எது பிழையான பதிலாக இருக்குமோ அதைத்தான் தெரிவு செய்து விடுவேன். என்ன செய்வது கடவுள் செய்த Manufacturing Defect. பாவம் பிழைத்து போகட்டும். ஆனால் மாணவர்கள் சும்மா பிளந்து கட்டினார்கள். கடைசியாக நான் கலந்து கொண்ட Cloud computing சம்பந்தமான கலந்துரையாடல் ஆரம்பமானது. நான் Cloud computing பற்றிய எளிய அறிமுகத்தினை தமிழ் Presentation மூலமாக வழங்கினேன். Technical சம்பந்தமாக எதுவுமே இல்லாமல் மிக எளிமையான அறிமுகங்களை போட்டு Comics பாணியில் Presentation slides ஐ அமைத்திருந்தேன். எல்லோரும் எதோ விளங்கியது போல தலையாட்டினார்கள். நல்லவேளை ஒருவரும் கேள்வி கேட்கவில்லை. அதன்பின்னர் ஜேகே அண்ணனும், டொக்டர் சார்லசும் எளிமையான தமிழ் மூலம் விளக்கத்தினை கொடுத்தார்கள். ஜேகே Cloud Computing தொடங்கிய வரலாற்றினை சுவைபட கூறினார். இந்த கலந்துரையாடலுக்கு உதயா அண்ணன் அமெரிக்காவிலிருந்து இணைவதாக இருந்தது. அவருடைய நேரம் காலை நான்கு மணிக்கு கலந்துரையாடல் ஆரம்பிப்பதாக இருந்தது. ஆனால் அவரை Onlineஇல் காணப்படவில்லை. அண்ணர் அப்படியே நித்திரைக்கு போய் விட்டாரோ என்று யோசித்தோம் :). ஆனால் பின்னர் விசாரித்தபோதுதான் அமெரிக்காவில் வீசிய புயல் காரணமாக இண்டர்நெட்டும் இல்லாமல் மின்சாரமும் இல்லாமல் வீட்டில் பாதுகாப்பாக பதுங்கியிருந்ததாக சொன்னார்.

இந்த லிங்கை கிளிக் பண்ணி Yarl IT Hub சந்திப்பின் youtube வீடியோக்களை பாருங்கள்.

இந்த Yarl IT Hub சந்திப்பு நடந்தது மார்ச் 3ஆம் திகதி. இரண்டு நாட்களுக்கு முன்னர்தான் சயந்தன் அடுத்த சந்திப்பு இந்த மாதம் 17ஆம் திகதி என்றார். நீங்களும் வாங்களேன்.

Yarl IT Hub - இது எங்கள் Community, இணைய நீங்களும் வாரீங்களா

"இலங்கையில் தகவல் தொழில்நுட்பம் எனப்படும் இந்த IT துரிதமாக வளர்கின்றது" போன்ற செய்திகள் எல்லா பத்திரிகைகள், தொலைக்காட்சிகளிலும் இட்டுநிரப்பும் செய்தியாக வருவது வாடிக்கை. ஆனால் இந்தியா அளவுக்கு இன்னும் வளரவில்லை, தரமான தகவல் தொழில்நுட்பம் போதிக்கும் கல்வி நிறுவனங்கள் இலங்கையில் இல்லை என்றும் செய்திகள் வருகின்றன. பல Software companyகள் போதுமான Developers இங்கே இல்லை என்று வெளிப்படையாகவே புலம்பியதை பார்த்திருக்கிறேன். இதனால் அவர்களுக்கு பல Projects கைக்கு கிடைக்காமல் கடல் கடந்து இந்தியாவுக்கு போனதை பார்த்து மனம் நொந்திருக்கின்றனர். ITயின் அதிரடி வளர்ச்சிக்கு ஈடுகொடுக்க முடியாமல், சமீபத்தில்தான் IT ஒரு பாடமாக பாடசாலைகளில் அறிமுகப்படுத்தப்பட்டது. கொழும்பினை சுற்றியே பெரும்பாலான Software Companyகள் முகாமிட்டுள்ளன. ஒரு சிலர் கண்டி போன்ற வேறு சில நகரங்களில் இப்போதுதான் ஆரம்பித்துள்ளனர். ஆனால் கொழும்பு போன்ற எல்லா வசதிகளையும் உள்ள இடத்திலிருந்துவிட்டு, வசதி குறைவான இடங்களில் அவற்றை நிர்வகிப்பது பெரிய சவாலாகவுள்ளது. ஆகவே கொழும்பைவிட்டு IT Industryயானது வெளியே போகாமல் அம்மாவின் சேலைத்தலைப்பை பிடித்துகொண்டிருக்கும் குழந்தை போல இறுகப்பற்றிகொண்டிருக்கிறது.

இது இவ்வாறிருக்க யாழ்ப்பாணம் போன்ற நகரங்களை பற்றி கேட்கவே வேண்டாம். வீடுகளில் உள்ள பல Computerகள் வெளிநாட்டில் உள்ள உறவினர்களுடன் Skype call கதைக்கவும், பாட்டு கேட்கவும் படம் பார்க்க மட்டுமே அதிகம் பயன்படுகிறது. "நேற்றுத்தான் என்ர பேராண்டி கொம்பியுட்டரில கதைச்சான். நல்ல வெள்ளை. அவன்ர கதைதான் எனக்கு விளங்க மாட்டேங்குது. அவன் சொல்லுற ஹலோ மட்டும்தான் விளங்குது" என்று வயதான பெரியவர்கள் தங்களுக்குள் பேசி பொழுது போக்க Computer போன்ற வஸ்துக்கள் பயன்படுகின்றன. அங்குள்ள பலர் இத்துறையை தேர்ந்தெடுத்து படித்தாலும் பின்பு வேலை கிடைத்தவுடன் கொழும்பிலே குடியேறிவிடுகின்றனர் அல்லது வெளிநாட்டுக்கு பறந்து விடுகின்றனர். Software Companyகளின் சிதிலங்கள் கூட இல்லாத யாழ்ப்பாணத்திலே அவர்கள் தங்குவதற்கு எந்தவித காரணங்களும் இருப்பதில்லை. இந்த நிலைமைகளை மாற்றி யாழ்ப்பாணத்தை இன்னொரு Silicon Valley ஆக உருமாற்ற வேண்டும் என்கிறார் Yarl IT Hubஇன் ஒரு மிக முக்கிய அங்கத்தவரான சயந்தன்.

போரால் பெரிதும் பாதிக்கப்பட்டிருந்த யாழ்ப்பாணம் இப்போதுதான் பொருளாதாரத்தில் முன்னுக்கு வர முயற்சிக்கிறது. குறிப்பிடத்தக்க பொருளாதார வளர்ச்சி ஏற்பட வேண்டுமானால் இப்போதைய Industrial Trendஆன IT நிச்சயம் முன்னேற வேண்டும். அதற்கான ஒரு முதற்படியை எடுத்து வைக்கும் ஒரு கழகம்தான் Yarl IT Hub. இவர்கள் யாழ்பாணத்தில் IT பற்றிய விழிப்புணர்வை ஏற்படுத்தி அங்கும் புதிய பல Software Companyகள் உருவாக தேவையான சூழலை ஏற்படுத்துவதை நோக்கமாக செயற்படுகின்றனர். இதில் அங்கத்தவராக உள்ளவர்கள் எல்லோரும் இளைஞர்கள், IT என்னும் மாய உலகத்தில் வாழ்ந்து கொண்டிருப்பவர்கள். தாங்கள் வாழ்ந்த சமூகத்திற்கு ஏதாவது நல்லது செய்ய விருப்பம் கொண்டவர்கள். இதனை நடைமுறைப்படுத்தும் இவர்களது திட்டங்கள் புதுமையாக இருக்கிறன. அவர்களது பல திட்டங்களை நூறில் ஒரு பங்காக சுருக்கினால் இப்படித்தான் இருக்கும்.

1) Software Engineering சம்பந்தமான Quiz போன்ற Reality Showகளை ஒழுங்குசெய்தல்

இதன்மூலம் மாணவர்கள் ஒன்றுகூடி செய்யக்கூடிய Teamwork போன்ற திறமைகள் அவர்களிடையே வளர ஆரம்பிக்கிறது. இந்த தொடர் Reality Showகள் மூலமாக Software Projects சம்பந்தமான விழிப்புணர்வும் கிடைத்தற்கரிய அனுபவமும் கிடைக்கிறது. இத்தொடர்களில் நன்றாக செயற்படும் மாணவர்களுக்கு கொழும்பிலுள்ள முன்னணி Software Companyகளில் பயிற்சிபெறும் வாய்ப்பும் கிடைக்கிறது. கொழும்பில் உள்ள பெரிய நிறுவனங்களின் ஆதரவுடனேயே இப்போட்டிகள் நடத்தப்பட இருப்பது அவசியம் சொல்லியாக வேண்டிய விஷயம்.

2) மாணவர்களுக்கு Software Companyகளில் வேலை செய்யும் Engineerகளின் ஆலோசனைகளை நேரில் பெற்றுக்கொள்ளும் வாய்ப்பு
IT என்ற பெருங்கடலில் அனுபவம் என்பது முத்து போன்றது. அதனைமற்றவர்களுடன் பகிரும்போதுதான் ஒளிர்கிறது. இந்த வாய்ப்பினை Reality Showவில் பங்குபெறும் மாணவர்களுக்கு மட்டுமல்லாது பல்கலைகழக மாணவர்களுக்கும் இந்த அனுபவம் கிடைக்கவிருக்கிறது.

3) Open Source Projectsஇல் வேலை செய்யும் வாய்ப்பு
Open Source உலகம் தனியானது. Software Engineering சம்பந்தமான அறிவு பகிர்வுக்கு ஒரு வலிமையான உதாரணம்தான் இந்த Open Source community. அந்த கடின உலகத்தில் ஊக்கமுள்ள மாணவர்களுக்கு காலடி எடுத்து வைக்கத்தேவையான சூழலையும் வழிகாட்டுதலையும் பெற்று தர இருக்கிறார்கள்.


இவ்வாறு மேற்கூறப்பட்ட செயற்பாடுகள் மூலமாக மாணவர்கள் பலர் இணைந்து செயற்பட வாய்ப்பு கிடைக்கிறது. அதுமட்டுமல்லாது அனுபவமிக்க நபர்களுடன் சேர்ந்து பழகி புதிய வாய்ப்புகளை பெற்றுகொள்ளமுடியும். மாணவர்களிடையே போட்டிகளின்போது ஏற்படும் நட்பு பிற்காலத்தில் ஒன்றாக சேர்ந்து புதிய பல Software Companyகள் உருவாக வாய்ப்பாக அமையலாம். மாணவர்களுக்கு இந்த அனுபவங்கள் தங்களை இன்னொரு படிக்கு தயார் படுத்த வேண்டிய கட்டாயத்தினை மனதினில் தோற்றுவிக்கும் என்பது நிச்சயம். போட்டி என்று இருக்கும்போது முன்னேறும் ஆர்வம் நிச்சயம் அல்லவா..

கிட்டத்தட்ட இரண்டு மாதங்களுக்கு முன்னராக ஆரம்பிக்கப்பட்ட Yarl IT Hubஇல் இப்போது உலகத்தின் வெவ்வேறு பாகங்களில் இருந்து பல அங்கத்தினர் இணைந்தவண்ணம் இருக்கிறார்கள். அவர்களுக்கு இருக்கும் ஆர்வம்தான் Yarl IT Hubஇன் மொத்த செயற்பாட்டுக்கும் ஒரு உந்துதலாக இருக்கிறது. ஊர் கூடி தேர் இழுக்கும் இந்த முயற்சியில் நீங்களும் இணைந்து இவர்களுக்கு உதவலாம் அல்லவா..









எனது நண்பர்களின் தளங்களில் Yarl IT Hub பற்றி வந்த இணைப்புகள்

After all, why Jaffna? - சயந்தன் இந்த அமைப்பு தொடங்கபட வேண்டிய அவசியத்தினை அழகான ஆங்கிலத்தில் விளக்கியிருக்கிறார். “Yarl IT HUB” : யாழ்ப்பாணத்தில் ஒரு Silicon Valley - இதில் JK எனப்படும் ஜெயக்குமரன் அண்ணா தனக்கே உரிய பணியில் அழகாக விளக்கியிருக்கிறார். Yarl IT Hub - Our Vision - சயந்தனின் Yarl IT Hubஇன் Vision பற்றிய விளக்கம் முகப்பக்க இணைப்பு.. அதாங்க Facebook Link.. சும்மா போய் பாருங்க :)